بنتي ماتتقبل الخضار أبدددددددددددا بس تحب السيريلاك
شو أسويلها للغدا غير عن الخضار؟؟
وشو الأكلات لهالعمر؟؟؟؟
وخاصة للي فيهم حساسية ومب كل شي يوالمهم
اهرسه شويه لها واحط وياه روب المراعي والحمدالله بنتي عيبها
جربيه وان شالله يوالم بنتج
بنتي بعد ما كانت تتقبل الخضروات،، بس الحمدلله ألحينه أحسن.. انتي جربيلها البطاطا حلوه بس لا تحطينها كامله ،، حطي نصها،، وملعقتين عيش بس طبعا لازم ينغسل أول،، وكوسه وحده صغيرة،، ويستوي اتحطين الخضروات المجمدة اللي تنباع في الجمعيات (جزر، وبازلا، فاصوليا).. وعقب ما يتفور،، حطي في الخلاط وعطيها إن شاء الله بيعيبها..*
وسويلها بعد رز مفور وبعدين حطيه في الخلاط ،، وعقب ضيفي الحليب الصناعي (يعني مثل الأرز بالحليب)..
وحد نصحها تعطيه الخضروات بس اللي تكون في صالونة الغدى بس بدون فلفل
والحمدالله الياهل تقبلها .. انتي جربي
وبعد عيش ابيض ويا بطاطا الصالونه
اختي انا ابني مثل بنتك تماما يحب السيريلاك ولا يحب الخضار ابدا
اهتديت الى طريقة الحمد لله نفعت معي وأظن تنفع تماما مع ابنتك بما انها ايضا تحب السيريلاك
انا اسلق له الخضار (بطاطا – كوسا – جزر – بضع اوراق صغيرة من الخس)
واقوم بهرسها بالخلاط مع بعض ماء السلق لتصبح سائلة
ثم اضيف لها بعض ملاعق من سيريلاك القمح (لا تضعي سيريلاك الارز لان طعمه مختلف)
راعي المقادير أختي .. وجبة الخضار المهروسة مع مائها يجب ان تكون 150 غرام … اضيفي سيريلاك ملعقتين صغيرتين او ثلاثة تقريبا 20 غرام …
فيصبح الطعم مشابها لطعم السيريلاك ويستسيغه والحمد لله
في حالة الامساك أحذف البطاطا من الوصفة و اضع بصل (بناءا على كلام الطبيب) ..
والحمد لله الامور مشيت على خير حتى الآن ….
جربي اختي و ان شاء الله ابنتك تتقبل الخضار بهذه الطريقة .
والسلام عليكم
المشاركة الأصلية كتبت بواسطة احاسيس2 
اهرسه شويه لها واحط وياه روب المراعي والحمدالله بنتي عيبها
جربيه وان شالله يوالم بنتج
بجربلها ان شاءالله بس بلينه لها لأنه عيشنا حبته واقفة
مشكورة عالرد والله يخليلج بنوتج يارب
المشاركة الأصلية كتبت بواسطة منصـ1981ـورية بنتي بعد ما كانت تتقبل الخضروات،، بس الحمدلله ألحينه أحسن.. انتي جربيلها البطاطا حلوه بس لا تحطينها كامله ،، حطي نصها،، وملعقتين عيش بس طبعا لازم ينغسل أول،، وكوسه وحده صغيرة،، ويستوي اتحطين الخضروات المجمدة اللي تنباع في الجمعيات (جزر، وبازلا، فاصوليا).. وعقب ما يتفور،، حطي في الخلاط وعطيها إن شاء الله بيعيبها..*
وسويلها بعد رز مفور وبعدين حطيه في الخلاط ،، وعقب ضيفي الحليب الصناعي (يعني مثل الأرز بالحليب)..
البطاطا الحلوة قصدج الفندال؟؟
بجربلها اياه وأي نوع من الحليب الصناعي قصدج؟؟
وطيف طريقته اذا ممكن؟؟
وتشكرين حبيبتي عالرد
المشاركة الأصلية كتبت بواسطة اخر طموحي وحد نصحها تعطيه الخضروات بس اللي تكون في صالونة الغدى بس بدون فلفل
والحمدالله الياهل تقبلها .. انتي جربي
وبعد عيش ابيض ويا بطاطا الصالونه
هالشي حلو بس لعمر 8 شهور أحسها شوي صعبة لأنه الصالونة فيها بهارات وملح
بشوف اذا بطاطس ممكن أعطيها
يمكن أجرب باجر لأنه بنسوي مرقة دياي
مشكورة حبيبتي عالتوضيح
المشاركة الأصلية كتبت بواسطة zenar اختي انا ابني مثل بنتك تماما يحب السيريلاك ولا يحب الخضار ابدا
اهتديت الى طريقة الحمد لله نفعت معي وأظن تنفع تماما مع ابنتك بما انها ايضا تحب السيريلاك
انا اسلق له الخضار (بطاطا – كوسا – جزر – بضع اوراق صغيرة من الخس)
واقوم بهرسها بالخلاط مع بعض ماء السلق لتصبح سائلة
ثم اضيف لها بعض ملاعق من سيريلاك القمح (لا تضعي سيريلاك الارز لان طعمه مختلف)
راعي المقادير أختي .. وجبة الخضار المهروسة مع مائها يجب ان تكون 150 غرام … اضيفي سيريلاك ملعقتين صغيرتين او ثلاثة تقريبا 20 غرام …
فيصبح الطعم مشابها لطعم السيريلاك ويستسيغه والحمد لله
في حالة الامساك أحذف البطاطا من الوصفة و اضع بصل (بناءا على كلام الطبيب) ..
والحمد لله الامور مشيت على خير حتى الآن ….
جربي اختي و ان شاء الله ابنتك تتقبل الخضار بهذه الطريقة .
والسلام عليكم
وعليكم السلام ورحمة الله وبركاته
أنا فكرت أضيف السيريلاك للخضار بس قلت مابقيها بس تاكل اللي بهالطعم وتخلي الأطعمه الثانية
بس بعدني بجرب الطريقة وان شاءالله تحبها
لأنه ولدي ماكان ياكل الخضار وطنت أخلط الروب معاه ومشى الحال
يعطيج العافية غاليتي والله يخليلج ولدج ان شاءالله