شو تقولون حق الناس اللي همهم بطنهم في رمضان

السلام عليكم ورحمة الله وبركاته

تدرون يا بنات ان في ناس يشترون اكل حق رمضان قبل ارمضان بشهر او بثلاث اسابيع تقريبا؟؟؟ اتذكر السنه اللي طافت يوم كنت اسير كارفور كان باقي عن رمضان تقريبا 3 اسابيع واشوفلكم السوبرماركت مزدحم بطريقه فظيعه وكل وحده ماسكه العربانه ومب مخليه شي مب حاطتنه فيها وانا مستغربه شو صاير رمضان بعده بصراحه استفزني هالموقف عنبو شو هاذيلا مب شايفين خير ولا عايشين في الصومال؟؟ ترانا في الامارات والاكل موجود في كل مكان ما بيطير واي وقت نقدر نشتريه والله انصدمت والسوبرماركتات في كل مكان قلت معقوله في نااس جذي همج؟؟ جنه بتستوي حرب وقاعدين يخزنون اكل ذكروني بايام حرب الخليج ….. مرت وحده عدالي بعربانتها وهي مخلصه السوبرماركت مب مخليه شي … وقسم بالله كان في خاطري اقوللها شو انتي وين عايشه رمضان بعده باقله 3 اسابيع وين عايشه في الصومال… صراحه فضيحه فاضحينا تراهم مره في برنامج كانوا يتكلمون عن هالموضوع والمذيع كان يستهزيء بهالناس اللي تروح تشتري ورمضان بعده مطول ومستغرب مادري هالناس عايشين في كهف ولا عايشين في مكان مهجور ما يقدرون يطلعون ويشترون اكل ……… ناس غجر بصراحه يتحرون رمضان اكل وحلويات ومسلسلات …… حسسوني جني مب عايشه في الامارات الله يهديهم

مممممممممممممممم ..

ماا اعرف شوو اقولج ..

يعني بنقوول لو مثلا يسون سمبوسة او اي نووع من هالاكل و يجمدوونه ..

يعني ممكن قبل رمضان ب اسبوع الناس بتسوي زحمة فالسووق ف في نااس ترووح من الحيين .,.

و بس ^^

(( الحمدلله على النعمه .. ))

هلا اختي…
رمضان كلن من الناس ينظر له من صوب..
ادخل المنتدى اشوف الاغلبيه مهتمين فاللبس حق رمضان..
واسير الجمعيات القى الناس ماليه عرباناتها..
اشوف التلفزيون اشوف المسلسلات تطرق الابواب..
والله عجب..ماعرف شو مستوي فالدنيا..
تسلمين اختي عالطرح..

الله يوفقج الله يرزقنا الزوج الصالح

ههههههه

موضوع يضحك

الصراحه عن نفسي نادر أشوف التلفزيون فرمضان

وآخر همي الاكل

الله يهدي الجميع