خواتي اللي عندها تجربةأو معلومات عن مدرسة(الخبيرات) أو (اكاديمية زايد) أنها تفيدني لأني سمعت إنهن من أحسن المدارس في بوظبي وأقواهابس بعدني محتارة.
ويزاها الله خير اللي بترد علي.
انا الي اعرفه ان مدرسة الخبيرات بريطانيه .. يعني نظام التدريس بريطاني .. كانت وحده من المدارس الي حطيت عيني عليها عقب سالفة مدرسة الاتحاد .. بس يوم قريت في موقعهم ان المدرسه مؤسسه للجاليه البريطانيه بس الجاليات الثانيه تقدر تدخل طبعا ، لاعت جبدي منهم -انا وحده تتأثر من ها الاشياء و احسها عنصريه- .. و دخلت الحين موقعهم عشان احطلج الجمله بس جنهم مسوين ابديت حق الموقع و مغيرين بعض الاشياء و شالين هاذيج الجمله .. اظني حسو على دمهم و شافو ان في ناس بتتأثر بها الكلام -زي حالاتي-.
و بالنسبه لأكادمية زايد ، عدنا حد من الاهل فيها .. بس حد يمدح و حد لا .. وجهات نظر مختلفه
نصيحه .. دوري مدرسه تهتم بالتربية الاسلاميه و اللغه العربيه .. شو ما كانت المدرسه
و بالنسبه لأكادمية زايد ، عدنا حد من الاهل فيها .. بس حد يمدح و حد لا .. وجهات نظر مختلفه
نصيحه .. دوري مدرسه تهتم بالتربية الاسلاميه و اللغه العربيه .. شو ما كانت المدرسه
شو سالفة مدرسة الاتحاد؟؟؟؟
الخبيرات قوية طبعا في الانجليزي لأنها مدرسة الجالية البريطانية بس ضعيفة في العربي والدين عيال جارتي فيها وسمعت بنفسي كلامهم والاكاديمية أحسها لفئة معينة من المجتمع , أذا عيلج صغار حطيهم في الربيع تأسيسهم قوي
الربيع تأسيسهم قوي
المشاركة الأصلية كتبت بواسطة ام شقاري 
انا الي اعرفه ان مدرسة الخبيرات بريطانيه .. يعني نظام التدريس بريطاني .. كانت وحده من المدارس الي حطيت عيني عليها عقب سالفة مدرسة الاتحاد .. بس يوم قريت في موقعهم ان المدرسه مؤسسه للجاليه البريطانيه بس الجاليات الثانيه تقدر تدخل طبعا ، لاعت جبدي منهم -انا وحده تتأثر من ها الاشياء و احسها عنصريه- .. و دخلت الحين موقعهم عشان احطلج الجمله بس جنهم مسوين ابديت حق الموقع و مغيرين بعض الاشياء و شالين هاذيج الجمله .. اظني حسو على دمهم و شافو ان في ناس بتتأثر بها الكلام -زي حالاتي-.
و بالنسبه لأكادمية زايد ، عدنا حد من الاهل فيها .. بس حد يمدح و حد لا .. وجهات نظر مختلفه
نصيحه .. دوري مدرسه تهتم بالتربية الاسلاميه و اللغه العربيه .. شو ما كانت المدرسه
و بالنسبه لأكادمية زايد ، عدنا حد من الاهل فيها .. بس حد يمدح و حد لا .. وجهات نظر مختلفه
نصيحه .. دوري مدرسه تهتم بالتربية الاسلاميه و اللغه العربيه .. شو ما كانت المدرسه
مشكورة الغالية على الرد..
أنا سمعت بعد جذيه وعلشان جذيه بعد ما يقبلون أي حد بسهوله يعني بواسطه ومن هالسوالف.
بعدين لما دخلت موقعهم حسيت إنهم كلهم أجانب مادري ما ارتحت قلت عيالي أكيد بيتأثرون فيهم.
شكرا لكل من دخلت وردت على الموضوع..
بس بالنسبة للربيع أنا سمعت إنها ما صارت قويه مثل قبل يعني في ناس تمدحها وناس لا!!!!!
والله إني محتاااااااااااااااااره وما اعرف أي مدرسة أحط بنتي.
إنزين شو الفرق بين المنهاج الامريكي والبريطاني؟؟؟وشو الأحسن؟؟؟؟