انشاء الله بتكون من اخر شهر 6
بنات ضروري فديتكن اول مره اروح ماليزيا اريد اعرف كل شي المناطق الي تستاهل اني اروح لها
والفنادق الحلوة الي سعرها مناسب
وعلى اي طيران اقدر اروح وكيف احجز الطيران الداخلي من هنيه ولا من هناك
مع اني افضل اروح بالسياره هناك بين المناطق
للعلم انا وريلي وعيالي 2 والخدامه
بلييييز ردو علي ضروري
والي تعرف حد يقدر يحجز لي من هناك وثقه طرش لي رقمه على الخاص
اترياااااااااااااااااااااكم
وانصحج سيري جزيرة بينانج لانها وايد حلوة انا سكنت في فندق بارك رويال الصراحة روووعه يطل على البحر ووفي وايد العاب مائية عن الشاطي تقدرين تسيرين كل يوم النايت ماركت لانة بيكون عدال الفندق -من الامكان الحلوة بعد في بينانج : حديقة الفراشات و حديقة البهارات.
في منطقة اسمها جنتنج هايلاند انصحج انج ما تبتين فيها لانها ماتسوى بس تقدرين اتسيرينها من كوالالمبور بالسيارة هي مب بعيدة وايد يمكن ساعة او حتى نص ساعة هالمنطقة مشهورة بالاعاب وفيها مركز تسوق كبير.
انا ماسرت جزيرة لنكاوي بس الناس يمدحونها و من الرحلات الحلوة الي يمدحونها رحلة المنجاروف.
وبس ها الي اعرفه اتمنى اني
من خلال تجربتي لسفر ماليزيا انصحج تحجزين في فندق ريتز كارلتون لشقق الفندقيه شققهم راقيه وفخمه ونظيفه جداً
وتقدرين تستأجرين غرفتين وصاله وايي معاهامطبخ وصاله واسعه وحماماتها عزج الله كبيره وكل شئ فيها مريح
ومن أماكنها السياحيه عندهم حديقة فاموسا كل شئ فيها تقدرين تروحين الها وتحجزين فيها شاليه لمدة يومين عشان يمديكم تخلصون فعاليات الحديقه لانها كبيره وفيها فعاليات كثيره.
وبعد في عندهم صنواي لاقون هاذي حديقه مائيه روعه بصراحه وفيها فنادق ومولات راقيه بعد وانصحج تقعدون فيها ليله ع الاقل لانها وايد حلوه ..
وبعد عندهم مرتفعات جنتنق هذا يبل يبعد ساعه الا ربع عن ماليزيا وايد الجو بارد وروعه هناك لان فيه العاب خارجيه والعاب داخليه اليهال بيستانسون ومانصحج تباتون فيها لانها قريبه من مااليزيا ..
وبعد عندهم البرجين التوأمين ويوجد في نفس منطقة البرجين أكواريوم للأسماك بتعيبكم .
وفي بعد عندهم محمية الفيله وايد حلوه وفي نفس اليوم يوم بتروحون للفيله بعد ماتخلصون قولو لسايق يمربكم على حديقة (الدير) = الغزلان وايد بتستانسون بيخلونكم تدخلون عند الغزلان وتأكلونهم يعني شئ يفرح واليهال بيستانسون..وبعد روحو لشلالات وايد حلوه ….وهذا كله في كوالالمبور
وبنسبه لبينانج هي جزيره وحلوه وافخم الفنادق فيها شنغريلا وايد فخم ومريح ومثل ماقالتالاخت لج فيها اسواق ليليه وحدائق
وبعدها جزيرة لانكاوي هالجزيره هاديه وايد وتصلح للأستجمام والرومانسيه بذات لشهر العسل ومافيها أشياء وايده بس الي اذكره ان فيها شلالات روعه.
والله يوفقكم يارب واذا عندج أي أستفسار انا حاضره
وبالتوفيق
عندك منطقة جنتنج كتير حلوة ومن تجربتي المكان بده يومين فممكن تحجزو ليلة بفندق بنفس المنطقة عشان تستمتعوا اكتر
صن واي لاجون حلوة كتير واذا بتسبحوا حتنبسطوا اكتر وفي مول كبير مرتبط مع الحديقة
المنارة حلوة والاحلى انك تشوفي ماليزيا من اعلى نقطة
twin tower كمان لازم تزوروه وتتصورا عنده وخاصة بالليل وحديقته كبيره وحلوه وفيه مول كبير وبالطابق الارضي لازم تزورو aquaria وهي عالم البحار وكتير حلو
في مول اسمه Time Squaire حلو وكبير وفي مدينة العاب داخلية حلوة للصغار والكبار
في منطقة China Towen بنصحك تزوريه لانه بفتح بالليل وسوق كتير حلو وحتلاقي الشنط والساعات والشوز والنظارات الماركات المقلدة بشكل مرتب
في عندك منطقة العرب واسمها بوكيت بان تانج وفيها المطاعم والمحلات ومنطقة حيوية
اذا حبيتي تتعاملي مع صاحب تكسي محترم ابعتيلي عالخاص عندي رقم رجال محترم وما بياخد كتير
انشاءالله اكون فدتك
