ضعف في جدار الرحم

سلام عليكم .. شحالكم .. عساكم بخير ..
خواتي كنت بسألكم مــنــو منكم مرت في نفس حالتي ..
أنا متزوجه من 11 شهر .. والحين الحين ما حملت ..
في بداية الزوجي .. قالت الدكتوره عندج التهابات مهبليه .. و قالت ما في شي يخوف .. كل وحده تزوج يصير لها جي .. و كنت اروح عند دكتوره سوسن في مركز الامير الطبي .. والحمدالله اتعالجت من الالتهابات .. و قالت عندج ضعف في جدار الرحم و كان جدار الرحم 2 مم .. و تميت ع هالعلاج لمدة 3 شهور و الحمدالله أتحسنت حالتي و صار جدار الرحم 4 مم .. و قالولي روحي عند دكتوره رموز في ولهلث .. و و عطتني نفس دوا و استخدمت لمدة شهر و اتحسن شوي و صار جدار الرحم 5 مم .. و قالت اي الدكتوره انه هذا علاجه .. وانا ما فيه شي ثاني .. و قالت لازم أخذ الدوا الين ما يستوي جدار الرحم 8 مم عشان احمل ..
و أنا قبل الزواج كانت دورتي منتظمه و اتيني 7 ايام .. اما عقب الزواج ع طول صارت الدوره اتيني يوم او يومين بالكثير .. و الدكتوره قالت هذا كله عشان جدار الرحم ضعيف ..
بنات قولولي حد صار له نفسي و حملت .. بليييييييز قولولي ..*

أنا كنت جي و حملت
لا تحاتين

الله يرزقج إن شاء الله

انزين حبوبه .. كيف حملتي .. و كم كانت فترة العلاج ..

أمين يارب .. الله يسمع ..

اللهم لا تذرني فردا انت خير الوارثين

الدوفاستون يسمك جدار الرحم..اذا هم يعطونج دوفاستون باذن الله بتحملين لاتحاتين..بس لازم تستمرين عليه..
وترى الدوفاستون زين..اذا شي حمل يثبته واذا ماشي ينظم الدوره..
انتي لاتحاتين النفسيه تلعب دور..باذن الله مافيج الا العافيه..
انصحج فدكتوره ناديه فمركز ناديه الطبي..
وربي يرزقج بالذريه الصالحه..