هلا خواتي شحالكم بغيت اقولكم اني في الشهر السادس وعندي حرقان في المثانه وكثرة التبول كرمكم الله وضيق تنفس ابغي اعرف شو السبب في حد مر مثلي وايد خيفاانه والله
للاسف ما عندي فكره
مرحبا عزيزتي
^.^
^.^
انا عندي نفس مشكلتج وبعد انا فالسادس
بخصوص ضيق التنفس تقول الدكتورة لأن الجنين بدا يكبر
ويحتاج أكسجين أكثر ولأن فيه فقر دم الأم تنصاب بضيق تنفس
أما عن حرقان البول فتقول الدكتورة أني لازم أشرب وايد ماي يعني فاليوم تقريبا ً 10 كوبات
جربت كم يوم
بس ما قدرت أستمر
لكن أرتحت الحمدلله من حرقان البول
ونصيحة مني لو عندج ألم فالمثانه راجعي دكتورة نسائية
لأن أحيانا ً يكون إلتهاب المهبل هو السبب
لأن حرمة خالي طلع عندها إلتهاب بسيط والحمدلله عالجوه
^.^
والله يشفيج
ويرزقني ويرزقج ويرزق كل الحوامل الولادة المريحة والسهلة والجنين الصحيح السليم من كل مرض
اللهم آمين
راجعي العياده وسوي تحليل بول احسن وله بتلعوزج الالتهابات
عن الضيق ترا ساعات الغازات ترتفع فوق انا استوا بي جذه
شربي مغلي نعناع وينسون بيخف ان شاء الله لاني البيبي مب وايد كبير في السادس
وفيني حكه خفيفه في المهبل الخارجي
عادي حبوبه ضيق التنفس في السادس لأن البيبي كبر,,, بس لازم تشيكين معدل الحديد لأنه يساعد على زيادة ضخ الاكسجين للبيبي و بيساعدج ان شاء الله بس لازم الدكتوره هي اللي تقرر,,, أما المثانه… كثرة التبول عادي بس حرقه,, ما أدري يمكن التهاب,,, احسن شوفي دكتورتج بس لا تحاتين ترا هاي الأشياء كلها طبيعية
الله يقومج بالسلامه
مشكوورات خواتي عالردوووود والله يسهل عليكم كلكم ياااااااااااااارب