يا بنات حبيت اعطيك طريقة الطين اليمني بالصور … للاستفادة
الكمية هذي تكفيج ل4 استخدمات اذا كانت فقط للوجة والرقبة .
واذا تبين للجسم ممكن تضاعفين الكمية .. وتستخدمينة يوم وراء يوم واذا تبين الفايدة يومياً لمدة 10 ايام بتشوفين شو يصير في بشرتج .. ( عن تجربة )
خواتي انا استخدمت انواع كثيرة للطين بس يظل الطين اليمني في اعتقادي الافضل …
طريقة استخدامه تحطينه على جميع انحاء الوجه والرقبة وتجلسين رافعه راسج نصيحه لاتتكلمين ولا تذكرين شيء يزعلج لانه الطين يصغل الوجه ويشده بعد فخلج كول لمدة نص ساعه استرخاء اذكري فيها الله واستغفري لين تخلص مدة 30 دقيقة .. بعدها رطبي ويهج بماء فقط وامسحي ويهج بفوطة مبلوله وكملي غسيله بدون اي صوابون ونشفيه وانعمي بالنعومه والصفاء
فوايد القناع :
1- يصفي ويبيض ويصغل البشرة …
2-يخفف من شوايب البشرة وبالذات البشرة الدهنية مع العلم انه مفيد لجميع انوع البشرة ..
تعالو معاي للطريقة والمكونات … تفضلوا …
1-هذا شكل الطين اليمني وهذي الكمية اللي بشتغل عليها
2-نضيف ماء الورد على قطع الطين … ونحط فقط الكمية اللي تكفي الاحجار الطينية اللي جدامنا وبس اذا حبيتي للجسم ممكن تزيدين الكمية وتضاعفينها
على راحتج
3-هنا شكله بعد ماضفت له ماء الورد وخلطته شوي وتركته خمس دقايق 
4-شوفوا شو صار فيه بعد الخمس دقايق ..عبارة عن كريم شكله جميل ويشهي للاكل هههههههه
5- هنا طبعاً جاهز للاستخدام
انا عبيته في علبة وبعدها خذت الكمية اللي تكفيني واحتفت فيه على التسريحه
… واتمنة تكون الطريقة سهله وحلوه … واي استفسار انا في الخدمه يا بنات …
واتمنى منكم تدعون لي بانه الله يهديني ويهدي زوجي للسراط المستقيم ويجمعنا في الدنيا والاخرة يارب
ويغفر لجميع المسلمين والمسلمات الاحياء منهم والاموات ويغفر لمواتنا وموتى المسلمين اجميع ياااااااااااااارب
