شحالكن ……………ان شاء الله بخير
لاحظت يا اخواتي الفاضلات انتشار مرض او ظاهرة غريبة في هذا القسم من المنتدى عندما تطلب احداهن النصح……….و بتفهمون قصدي من الي بعرضه عليكم كأمثلة:
-خلي ريلج يولي .. ليش عاطتنه ويه
-طنشيه و لا تسوين له سالفة
-كوني مثل ما انتي و لا تغيرين عمرج
-يباج حياه الله ما يباج كيفه
-احسن لج تنفصلين عنه
-انتي وايد مدلعتنه و مسوتله سالفة
و الكثير الكثير و ما تحظرني الامثلة حاليا
اختي العزيزة….(تذكري) انه هذا الشخص هو زوجها و الرسول صلى الله عليه و سلم قال: ( لو أمرت أحداً أن يسجد لأحد لأمرت المرأة أن تسجد لزوجها )
لا تنسين يا اختي الناصحه انه الانسان لازم ما يحرض على الشر و لا تنسين ايضا انه الزوج من حقه عليج انج تتلبسين له و تتعدلين له و تخدمينه و تطبخين له و تغسلين ثيابه و تكوين ثيابه و تربين عياله و تنظفين بيته…نعم هذا واجبك الي انتي ناستنه او تتناسينه و زوجج مسامحنج على هذا التقصير
و لا تنسين انه زوجج يعمل طول اليوم ليؤمن لك و لابناءك لقمة العيش و الحياه الهانئة الكريمة (و طبعا انتي ما تعرفين ما يعانيه الزوج ازاء تأمين ذلك لكم) و لما بيعصب عليج و الا بيضاربج …الخ …فاعذريه في بادئ الامر و اذا تمادى الموضوع بعدين دوري حل
طبعا انا ما اقول انه الحرمة تكون ضعيفة و ساكته …لا
القصد انه الحرمة لازم تكون عارفه هي شو دورها في الحياة و ليش الله خلقها و انه هي متعة زوجها و من حق الزوج انه يطلب من زوجته انها تلبي له رغباته و حاجاته حتى النفسية و البصريه و الحسية
ارد لمحور الحديث……………………….. ترى مب حلوة ردودكم ساعات يوم تحرضون الحرمة على ريلها…(يعني كفاية الشيطان) و كونوا محضر خير
و اسمحوا لي على الاطالة
اختكم ام ديومة
جزاك الله خيرا
صدقج ما قلني الا الصح الواحد يعاون هب يعاون عليك
مشكوره
والسموحه ع الاطاله
يزاج الله الف خير
بس والله في رياييل ما تعيش عندهم غير المرأة القوية والي خايفه ربها،
وماتجامل ريلها ع الغلط لأنه قدوة لعياله وأساس البيت،
والله يكفين الشر رياييل هالزمن يحبون الحرام برا البيت وداخله،
وإذا الحرمة سكتت معناها اتجامله وإذا تكلمت هي الوحيدة الي قلبها بيتم محروق،
لأنهم للأسف الإحساس فيهم معدوم ويحبون حريتهم وحيات العزوبيه ولا يتحملون مسؤولية زوجة وبيت وعيال، الحرمة للأسف هي الي تربي وتشتغل وتكد وتحاول تحل مشاكلها بشتى الطرق والريال لا حياة لمن تنادي، همهم بس راحتهم،
وما يخافون ربهم في حريمهم وما يقولون انها انسانه لها قلب وروح واحساس،
والله ينكسر خاطري من الحريم الي يكتبن مشاكلهن فهالمنتديات ويدورن حلول،
وياريتهم شراتنا يشاركون في حل مشاكلنا، بس للأسف بدال ما يواجهونها يتهربون منها،
الله يستر علينا ويوفقنا فيما نرضي الله ويهدي أزواجنا ويهدينا أجمعين…