الله يسلمكن انا من فتره ادخل قسم البشره عسب اقرأ تجاربكم وخلطاتكم للوجه والجسم….
وعجبتني خلطات كثيره للتبيض وتوحيد لون البشره وللترطيب والتنعيم ……….
المهم كتبت مكونات الخلطات عندي …والبارحه اشتريت لي الآتي:
– ماي ورد
– مقشر للوجه من بودي شوب يحتوي على فيتامين C
– مقشر للجسم من بودي شوب مع عطر للجسم
– ميلك وتونر من نيفيا
– منظف للوجه من كلين اند كلير
– كريم مرطب يحتوي على فيتامين E
– كريم مرطب من نيفيا
– زيت جونسون للاطفال
– فازلين للارجل
– فازلين لليد والاضافر
– زيت زيتون
– زيت اللوز الحلو
– زيت جنين القمح
– عسل
– روب
– نشا الذره
– طحينيه
– شوفان
– صابون سائل
– بودرة جونسون للاطفال
– حليب بودره
– جليسوليد
بغيت غسول للويه بس ما عرفت اي نوع اللي ينظف وما يقشر الوجه ويجففه؟؟؟
لكن المشكله ….ضاعت الخلطات اللي حفظتها عندي 
……ومب عارفه شو اسوي بالاغراض اللي خذيتها …
دخيلكن اباكن اتساعدوني …لان باقي على العرس شهرين وانا عندي المشاكل التاليه:
– سواد في الكوع والركبه
– سواد تحت العين
– بشرة ويهي وايد جافه ..ويهي مصفر وشاحب… والماكيرات قالولي يبالج عنايه وترطيب
– سواد في الابط والمنطقه الحساسه
– تطلع لي حبوب صغيره على اطراف ويهي واتخوز بعد فتره …واترد تطلع مره ثانيه !!!!
– قاع قدمي متقشر وصايبنه جفاف ..وقالوا لي من النعال (عزكم الله)
– عندي ستريج مارك في اردافي بشكل كثيف لاني كنت متينه وضعفت
– عندي خطوط بنفسجيه ضعيفه شرات العروج في اردافي !!!
………………………………
انتظر خلطات مجربه منكن ومساعدتكن لي…..وان شاء الله في ميزان حسناتكم
………………………………
بالتوفيق للجميع
للبقع في الويه خلطي حليب بودرة مع شوية ماي و حطيه ماسك لين ما يجف و بعدين غسلي ويهج و رطبيه بكريم مرطب من اللي عندج
للجسم زيت زيتون+سكر+ليمون قبل كل استحمام
زيت جنين القمح و زيت اللوز تدهني به بعد السبووح
ماعندج وقت اصلا…في سيري للعيادات الجلدية والصالووون…
واطلبي من العيادة اللي بسيرينها تعطيج ماسكات للنضارة والتفتيح وفيتامينات وكريمات للمنطقة الحساسه للتفتييح..واشتري او تاخذين من عندهم صابون للويه والجسم تفتيييح..واستخدمي ليفة الخشنه مال المغربي او بدي شوب شرات القفاز..
وحاولي ادوري من المنتدى الخلطات اللي ضيعتيهم…
يعني لاتعتمدي على خلطات طبيعية وبس…ولا توقفي العناية بعد الزواج…هذي اهم خطوة للنجاح..
وسوي حمام مغربي خصوصي كل اسبوع من اليوووووووووووووووووووم….
وفالصالون كل شهر سوي تنظيف بشرة خصوصي
يعني هاتي سكر وزيت زيتون…فركي فيه جسمج..لين مايذوب السكر…
خلي احد يفرك فيه لظهرج…لااااااااااا تتعايزززين ولاتنسين تسوين هالطرق بعد الزواج
كركم للجسم من عند العطار+حليب مجفف+ماء ورد…اخلطيهم مع بعض المهم يستوي شرات العجينه واقل
بعد غسل الوجه حطيه لين مايجف….سويها يوميا دام على عرس شهرين..وبعدين خففي لين مايستوي فالأسبوع مرة
وااااااااااااايد بنات يتاجرون بمستحضرات للجسم للتفتييح …لروحي لأم وصايف"ام الوصايف"…خذي من عندها.. واللي تبيع العكر الفاسي ويا الماي الورد والطين الأخضر ما استحضر اسمها الحين
يعني سوي بحث فالمنتدى
ظرووووووووووووري كل سبوح…وبعد العرس حطي كريم ترطيب للجسم لإنه يتشرب بسرعة