مساكم ورد
بدخل فالموضوع على طول
انا الحين فالتاسع و يوم الاحد اللي طاف تاريخ 10/12 نزل مني افرازات مع دم بني و رحت المستشفى قالتلي الدكتوره مفتوح عندج نص سانتي ان شاء الله يومين بالكثير و بتربين طبعا استانست وايد
وترييت لين يوم الخميس وماياني طلق ولا ياني ويع والكل كان يمدح زيت خروع فشربته فالليل عالساعه وحده وياني الم الساعه 4 الفجر مع اسهال عزكم الله وبس ما كان منتظم ابد ترييت لين عقب صلاه اليمعه ويوم رحت المستشفى قالتلي انتي بعدج نص سانتي وعنق الرحم عندج سميك وقوي ما اقدر اساعدج و اوسع لج واذا هي ماتقدر توسعه لي اكيد الياهل مابيقدر يوسعه وقالتلي اشربي قرفه بس انا من بدايه التاسع وانا اشرب القرفه
والمشكله فيني سكري حمل اذا ماربيت طبيعي خلال اسبوعين بيعطوني طلق صناعي لان مايبون يخاطرون ان الياهل يخلص التاسع و هو في بطني و انا فيني السكري
ادري طولت عليكم بس ابا اعرف الحين شو اسوي عشان ألين عنق الرحم وخايفه وايد من القيصري و الطلق الصناعي
من فتره قريت موضوع عن الخيله،،، في بنات يشمنها ويقولن فتح عندهن الرحم بسرعه ،،
وكلي تمر ترا التمر بعد زين ،،، والله يسهل عليج
انا في كل ولاداتي ربيت بطلق صناعي ،،، تعب من غير الحاله النفسيه تكون زفت
بس الله يسهل عليج يااختي
وامشي واذا عندج دري اطلعي وانزلي ،،،
وعن المشي ترا انا كل يوم امشي ساعه او ساعتين بس ما فاد
تسلموون حبيباتي على المرور و على الدعاء