فتاة بعمر الزهور

ماعرف شنو اقول .. بس مشكلتي مب لاقية لها حل ..

انا بنت صغيرة بـ عمر 15 سنة .. ما عندي خوات للاسف وامي متوفية وانا عمري 9 سنوات ..

عندي 3 اخوان وابويه الله يخليهم حقي ..

مشكلتي اني وحيدة واحس بالوحدة دووم .. وحدة فضيعة تقتل الواحد ..

صحيح عندي ربيعات شكثر بس هما بس للمصلحة .. ما يعرفوني الا وقت ما يبون شي ..

كل يوم احس حد يطعني بـ ظهري ..

اهلي سواء اللي في بيتنا او خوالي وعمومتي .. الخ ,, غير واايد عني ..

كل ما اقول لهم شي يقولون لي عيشي حياتج واستانسي لان توج ياهل ..

ماعرف شنو اسوي .. اخاف اغلط بـ شي .. مب لايقة حد يفهمني او ينصحني ..

تعرفون البنت مثل الجوهرة بـ اي شي ممكن تتأثر ..

يعني ما ابي اضيع بـ هالدنيا ..

صرت اكره اظهر من البيت الا للشي الضروري .. يعني ما اسير بيت ربيعاتي او اسير اغير جو ..

حياتي صلاة و نوم ونت واجوف مباريات كورة قدم بس ..

والنت بس ادخل ع موقع واحد وهو موقع كووورة وع المسن ..

ودرت كل المنتديات كلها عدا مدونة كوورة ..

احس بـ فراغ فضيع وملل وضيج ووحدة ..

ما عندي شخص اثق فيه ..

ابوي واخواني دوووم يكونون برع البيت ,, دوام ودراسة .. يعني انا 24 ساعة روحي ويا الخدم ..

الحمدلله اني ما سويت شي غلط بالنت .. مع اني 24 ساعة ع النت .. لاني اكثر شي ع موقع كوورة ..

بـ مدونة كوورة يعني علاقتي مع الاعضاء اني اختهم الصغيرة .. عندي عضو هناك شرات اخوي ..

يعني هو ما يقصر وياي .. اي شي ابيه يساعدني ..

بس اخاف مع الايام يتغير شي واغلط واسوي اي شي ..

من جذي ابي مساعدتكم حقي ..

مب عارفة اسوي شي ..

للامانة هذي مب عضويتي عضوية وحدة اعرفها ..