فساتين للبنوتات لصباح العيد

ابا حد يدلني على محلات ملابس جاهزه لصباح العيد لعمر سنه ونص او سنتين ( طبعا هذا عمر بنتي اللي متعايه شو ألبسها للعيد ) :22 (5):
ابا شي حلو ومميز انا من الشارجه بس مب مشكله لو المحل في اي اماره ثانيه .. انتظر ردودكم الحلوه

جيكي الخاص

مونسون (Monsoon) عندهم فساتين وبدلات حلوة حق البنوتات :13 (45):

انا حاطه في توقيعي فساتين اذا عيبج شي منهم ممكن تشوفينهن على الطبيعة لاني بعد من الشارجه.

او ممكن تفصلين شي خياط في الشهباء اسمه سوفينير واايد موديلاته روووعه لليهال يسويلج الفستان مع الشنطة مع اكسسوار الشعر واذا تبغين قبعه او اسواره بعد على راحتج ،،

بس اسعاره تقريبا 350 – 400 درهم او على حسب

اذا عندج اي استفسار انا حاضره راسليني

الغاليه في محل في برجمان-دبي اسمه الارانب الصغيره..وايد عنده اشياء حلوه وراقيه…وعنده اسعار متفاوته…ممكن بعد تطلبين من النت…شوفي هالموقع..https://www.achildscloset.com/index….&Category=1158

حبوبه ..

في مركز بن سوقااات (( محل في الطابق الثاااني)) وااايد روعه..

بس أحسه يباااالغ في أسعاااره..

وبعد عندج.. فساااتين حلوه لو تركزين عدل في الموناليزا..

وعندج بعد (( دبنهااامز)) & وول ورتس في ســـــيتي سنتر.

ماشاء الله البنات ماقصرن