مرحباا الغاااليااات ..
اذا تذكروني كنت كاتبه موضوع قبل شهر ان نبض الجنين توقف وكنت اتراياه ينزل .. والحمدلله نزل من 15 وم والله يعوض عليه عوض خير .. الموضوووع هو ::
قبل لا ينزل ب4 ايام اكتشفت انه عندي التهاب فيروسي (hpv) واللي هي الثآاليل التناسليه الله لا يبليكم ان شالله .. وسويت تحاليل عند زينب عشان تتأكد أكثر من اسبوعين ونص قبل لا انزل .. وبعد ما نزلت ب 3 ايام راجعت الدكتوره لوثرا ماقدرت انتظر لين ما يخلص الدم عني .. بعد ما تطلع تحاليل عند زينب هاتيهن لي .. وامس خلصن التحاليل وقالتلي زينب انه الفايروس مأثر على بطانة الرحم وانه النوع اللي عندي hight risk فقالتلي روحي شيلي اللي برع قبل عند دكتوره جليده وتعاليلي بعد اسبوع على اساس بتغسل داخل بالماي الأزرق وكتبتلي على مضادات وتحاميل وعطتني تطعيم ضد سرطان الرحم وقالتلي ما تحملين لمدة 6 شهور .. طلعت من عندها ورحت عند الدكتوره لوثرا في مستشفى مديكير .. وشافت التحاليل وماعيبتها وكشفت على صدري وقالت الحمدلله مافيه شي وخذت مسحه من عنق الرحم على ما اظن .. وقالتلي الفايروس واصل عنق الرحم وانا بشله لج بمنظار يوم الأحد وعطتني 3 تحميلات استخدمهن لمدة 3 ايام .. ويوم سأتها عن التطعيم فالت مافيه فايده تاخذينه الحين لانه الفايروس اوردي فيج اما اللي مب ماخذينه انصحهم ياخذونه .. فيا بنات وحريم اتطعموا ضده وطعموا بناتكم بعد ….هاااذي نصيحة الدكتوره ….
بناااااااااات انا عن جد خااااااااااايفه لانه هالفيروس يسبب تغير في الخلايا ولا سمح الله يسبب سرطانن عنق الرحم ..
فسؤالي حد مر بهالحاله يعني وصل الفايروس الى العنق وتعالج بالمنظار ؟؟؟
شو رايكم فالدكتوره لوثرا مش من ناحية الولاده اقصد علاجها لهالحالات ؟؟؟
وشو تنصحوني في أي دكتوووره شاطره مع اني ارتحت للوثرا وبستخير ان شاء الله لانه مافيه وقت واخاف لا سمح الله اذا تأخرت يتطور الفيرووس ..
وادعووووووووووووووووووووووووووووووولي بناااااااااااات الله لا يرويكم مكروه في عزيز ان شاء الله ..
!!!!!!!!!!!!!!!!!!بس ماقول غير ربي يعاااااافيج………….
الصراحة أنا ما سمعت عن هالفايرووووس
بس الحمدلله إنج عقيتي عسب باجر ما تتوهقين وما اتصيبج هالأمراض أعوذ بالله منها …
إسألي أكثر عن هالمرض في الإنترنت واقري عنه وايد واتجنبي أسبابه عسب ما يتكرر عندج ف حملج الثاني
بسم الله عليج
الله يرزقج الذرية الصالحة
ما خليت موقع مادخلته واتثفقت وااايد حتى اني تواصلت مع بنات في مدونة ثانيه مصابين بهالمرض ..
ووسووووت وااايد وصحت وااايد لكن راضيه باللي الله كاتبنه لي وانا بعدني عروس صارلي 4 شهور بس من عرست
..بناااات دعوه حلوه وارفعولي المووضوع