كل يوم اقول بحط هالمووضوع وانسى بصراحه وايد اسمع واشوف
بنات وحريم بمثل هالمواقف ماعرف كيف يرضونها على عمارهم ..
الله سبحانه قال حرمت عليكم اخوانكم وانا اليوم بتكلم عن
هالموضوع اللي بصراحه يهزني واستغرب منه..
احب اقول شي قبل لا ابدأ بالكلام اي وحده عندها انتقاد وتعليق عالموضوع
او على هالنوع من البنات والحريم رجاءً إلتزمي بالقوانين وادب الحوار والارتقاء بالردود
واللي مصره عالمخالفه تسمحلي بدق على زر التبليغ عن مشاركه سيئه
الله يسلمكم خواتي
في بنات يلبسون ملابس داخليه ويحوطون فالبيت جدام اخوانهم معقوله وصلنا لهاي الدرجه
وفي بنات يلبسون قميص وهاف بس مب مايوه يعني العادي اللي يي مثل شورت بس قصير
لدرجة ان اللي ورى يبين وعادي عندهم الدنيا بخير نحن وين عايشين هالكلام للفئه اللي تلبس
جي وانا مايبت الرمسه من عندي ربيعات اختي جي يلبسون وفي ناس انا شخصيا اعرفهم
وبعد اللي يلبسون بجايم شفافه وقصيره وكل شي طالع بتقولون اخوان صح بس في شي
اسمه عيب والله ماقال محرم يعني تفصخو ..
بخصوص الحريم لما تصيرين ام وتبين ترضعين ولدج او بنتج هل في داعي اظهرين صدرج
جدام اخوج وترضعين ؟؟!! في حالات استثنائيه الوحده اطلع صدرها وترضع لما هي تكون
مجبوره وماعندها مكان او مب قادره ترضع مكان ثاني على سبيل المثال مسويه عمليه ولا تعبانه
والعوره ماتظهر الا في حالات استثنائيه مثل ماقلت ..
بغيت اعرف راي كل وحده هل انتي عادي عندج وشو اللي يجبرج تكونين بهالشكل ؟؟!!
من جي انتشرت المصايب
اما السافة الثانية بعد عندج حق
بس انا اجوف لنها لو تبي ترضع تغطي على الصدر بشمد او شي …………
عيل في حريم يرضعون عند حميانهم تخيلوااااااااااا
الله يجيرنا
خليهن يتسترن قبل عند حميانهم وبعدين عند خوانهم
الله يعينا
عيل شو خلينا للجيل القادم
اللهم دم علينا المستحى ياااااااااااااارب …
وحتى لو مو ممنوع الواحد يستحي الصراحه و تعودنا من امهاتنا و يداتنا شو نلبس
بس لو في فئه جيه الله يهديهم
و على سالفه الرضاعه و هالامور اكيد الوحده بتنجبر ترضع الياهل و تظهر صدرها لان مافي وحده بتظهره وعادي عندها ,,, و الكل اشوفه يغطي على صدره يعني الوحده يوم تبا ترضع
السموحه
الحمدالله نحن هب من هالاشخاص انا شفت هالفئه واستحيت لانهم هب من النوع اللي حد ينصحه واذا نصحتي يقلبون النصيحه عليج ومن ناحيه الرضاعه انطلع صدورنا بس نغطيه جدام اخوانا لان مهما كان هذا ريال واما بخصوص الملابس الداخليه قوم بو خط ما عرفناه الا بعد ما عرسنا وساعات نستحي نلبسه والبنات عندهم الحياه حلوه الكل يطالع ملابسهم الداخليه والسموووحه وكلامج صحيح 100% صحيح