لان بنتي عمرها سبع شهور وابي افطمها منها ومب عارفة كيف ابدي
لان تقوملي بالليل تصيح تباها يمكن ثلاث مرات في اليوم
ماتسكت لين ما اسد حلجها باللهاية وترقد يالله ياخبيرات ساعدوني
وبصراحة انا شكلي اللي ادمنت على اللهاية مب عيالي .. والله مريحتني من الصدعه والصياح بس اصك حلجهم بها ويسكتون
وموضوعج يا بوقته احنا يمكن من أسبوع بس عاقين اللهايه .. وتخيلي كم أعمارهم سنتين و5 شهور شيبــــان والله..
وهذا و خواتي حاشراتني عقيها .. عقيها عيالج شيبان ويمصون لهاية … وبعدها قررنا انعقها وانا حزينه لانها بتبدأموجة الصياح
المهم مسكت أختي اللهايات و خيستهن بالنسكافية جيه صار لونهن أسود ويلوع بالجبد و تمت تقولهم يع يع وبروحهم أهم يشخلون من اي شيء وعلقتها في المطبخ عشان كل ما يشوفونها تلوع جبدهم ومن بعدها يقولون….. هلايه يع !!! ولا يقربون حتى منها
وعادي ما كانون وايد وايد يصيحون .. بس يصيحون اعطيهم مرضاعة ماي ويسكتون اقولهم ايب لكم لهايه يصارخون.. لا!! بس عادي يتمون يصيحون ويصيحون ولا اشلهم لين يرقدون
وهاذي قصة توأمي واللهاية..
أتمنى اني افدتج بشسء
عن نفسي الحمدلله ما عطيت بنتي لهايه .. مره ريلي اونه شاف لهايه شكلها حلو عليها فراشه مادري كيف قام واشترى حقها اونه عشان ما تحشرنا … قلت له ماضن الحين بترضى تاخذها لان كان عمرها تقريبا 8 شهور … يوم غسلتها وجي عطيتها تمت اتطالع شو ها ؟ مافيه ماي ولا اكل ! حطت في حلجها ثواني وفرتها لانها ماشافت فيه طعم .. هههههه قلت له شفت ماعيبنها خلاص اذا من البدايه ما عودناها مابتاخذها الحين ..
الله يعينكم ويوفقكم في الفطم 
والله يوفقج وتفطمين بنتج .
بس المشكلة اني انا مااعطيها اللهاية الا وقت النوم بس لانها تقوم تصيح
وابى اسكتها فيها لان يكون عندي دوام الحين انا ابي افطمها لاني اخاف على اسنانها لان
بنت اختي اسنانها بارزات على برع من اللهاية فماابي بنتى جذيه
صعبه أول 3 أيام يقوم من الرقاد يصيح في الليل بس أحاول معاع يرد يرقد
بس و نساها تماما خلال كم من يوم
المهم الصبر لأنه بالليل ما راح ترقدين أول الأيام
وفي شيء ُثاني تقدرين اتعودين الطفل على شيء ثاني لما ايصيح عطيه بيلو اصغير أو دبدوب أو أي شيء حتى لو برنوص صغير يقبضه بيده لين يرقد