كيف أطرش باقة ورد لشخص في الدوااااااااام وشو عن هدية العيد؟!!!

وحده تاجره هنيه بالمنتدى تسويلج باقة ورد معا شكولاته وترسلينها لاي مكان
ووحده بعد تاجره هنيه اسمها أم رفيعه بعد تسوي هدايا وهاي السوالف وهن برسلنه لج

مايباله تاجرة حبوبه
انا طرشت لريلي باقه ورد لدوامه .. انا ماعرف انتي من اي امارة بس دقي لاي محل ورد قوليله شو اللي تبينه هو بيسويها لج دليه ع دوام ريلج بيروحون له وهناك خلي ريلج يدفه هع انا جي سويت

عن نفسي .. انا سرت حق محل وروود راقي اهنيه في بوظبي وهم طرشوا لي اياه
اخترت فازا زجاجيه من عندهم وحطوا فيها الورود الحمرا وشوية كريستالات نازله من عليها
كانت رووووووعه >> جني طلعت عن الموضوع ؟؟

المهم .. انتي سيري اي محل ورود راقي وهو بيوصل لج
بس عطيه العنوان كامل والوقت اللي تبينه واسم ريلج ورقم تلفونه ..
بس في أشيا ضروريه لازم تاخذين بالج منها
مثلا … اذا كان شغل ريلج من النوع اللي يلزمه يطلع أثناء الدوام من دوامه
أو اذا شي سكيوريتي عند الباب يمنعون اي حد يدش >> لازم اتفهمين الريال اللي بيوصل الغرض كيف يتصرف
ولازم اتفهمينه بعد انه اذا اتصل بريلج لازم مااااااايقوله شووو الغرض ولااااااا يقووووول من منووووووووو ..
عشان تكون مفاجأه ..

وعن الوقت .. كل ما كان بدري يعني ع التسع والعشر كان أحسن ..
عشان لا طلع بدري او شي وبعدين عشان يلحق يخق جدام ربعه … خخخخخ

ولا تنسين الكرت واذا ريلج غيوووور لا تكتبين اسمج كتبي ام فلان ولا بدون
ولا تكتبين كلام رومنسي وايد عشان لا يذبحج .. ^_^

خلي من المحل نفسه
او اي شركة توصيل

@@

اذا على العيد..

شو رايج وبما انه الشتا مقبل تاخذيله جاكيت..

انا وخواتي سويناها العام في العيد العود ..

خذنا هديه لبويه جاكيت من ارماني وقلم ديور وعطرين..

ولبسه وستانسنا انا وخواتي..

معن ابويه ما يعجبه شي..

وماب عارفين الحين شو ناخذله للعيد…

انشالله اكون فدتج…