كيف افطم بنتي .؟

السلام عليكم

ابا افطم بنتي….عمرها شهر ونص
لحد يعارضني بليز
لانه بنتي صياحه وااااااااااااايد ولا تسكت
واحس الرضاعه مدلعتنها

والله وايد متعبتني ….ماترقد الليل الا تباني احط صدري في ثمها حتى لو شبعانه بتم ما سكتنه وترقد
ويوم احطها فالمنز تقوم تصيح وارد اعطيها اياه وبتسكت …….حتى لو شبعانه تباه..
الله يهديها يارب

خبروني طريقه كيف افطمها وكم رضعه اعطيها فاليوم في هالسن….. وكل كم ساعه.؟
وابا الحليب ينشف بسرعه من غير الم وحمى شو اخذ لي

شهر وسنه بعدها صغيره ما اعتقد تعودت عصدرج وايد يعني بسهوله بتفطمينها!!

عطيها لهايه بتمصها لين ما ترقد

up up up

عيل لو جي ولا وحدة رضعت عيالها ！(◎_◎
البيبي بس يبا يمص حتى لو مب يوعان..
عطيها لهاية بس لا تفطمينها ومافي سبب يمنعج ترضعينها..
ولا مصرة عطيها مرضعة ما بتعاند وايد لان بعدها وايد صغيرة..
الله يحفظها..

وحليلها صغيره"وهي اطور مهارتها واتقوي فكها عن طريق المص في هالعمر كل اليهال جيه "لا تفطمينها بتمرض ومناعتها بتقل "عوديها علي المصاصه شوي شوي "يباله صبر "امج ما ربتج بالساهل"

أختي الصبر زين..
لاتفطمينها بنتج بعدها صغيرها … عوديها عالمصاصة ..هي فهالسن بتتقبل أي شي إن شاءالله
والرضاعة الطبيعية وايد زينه بس حاولي تنظمين وقت الرضاعة مب كل شوي ترضيعنها ..أرضعيها كل ساعتين أو 3 ساعات بس ..وإذا صاحت بين هالساعات عطيها مصاصة.

اختي حرام عليج واااايد صغيره اصبري عليها اعطيها المصاصه وساعات اعطيها البابونج مع سكر نبات ومره سويلها الاعشاب المخلوطه الي هي الحلبه والمثيبه والينسون اتحطينهم في علبه وحدة وتاخذين ملعقة اصغيرة وتحطينه في كوب ماي حار مع سكر النبات واتخلينه لين ما يدفا وتشخلينه وتعطينها وان شاء الله بتسكت وما بتصارخ لكن لا تفطمينها والله يهديها ويخليها لج .