حبايبي
كيف ممكن للزوج يحافظ على زوجته و العكس؟؟
اللي خلاني اكتب هالموضوع قصة وحدة كانت
متزوجة بقصة حب و اكشن
و رفض العوائل و التهديدات وووو
ضحت باشياء وااايدة حتى بحفلة الزفاف و رضت
بقليل القليل حفلة بسيطة للملجة لا غير
رغم امتلاك اهل الزوج بالخير و النعم
و بعد ما يابت طفلة و طفل انفصلت من زوجها و
لكن شو اللي
خلاها تنفصل؟؟
مب هي حبته؟؟
مب هم تزوجوا برضاهم و اصرارهم؟؟
مب هو كان ميت عليها؟؟
و هي ميتة و تبغيه؟؟
مب هي رفضت الكل و بغاه هو و هو ترك
الكل عشانها هي؟؟؟
انزين شو صار ؟؟
شو اللي خلاها تطلب طلاق و هي ما تشتغل
و انجذبت لغيره؟؟ بدون اي علاقة
طبعا و مجرد اعجاب داخلي
بشخصية ثانية اللي هي
تمنت هالشخصية تكون في شريك
حياتها اللي كان مواعدنها بيكون
بنفس الشخصية..
السالفة و السبب …
عدم الاهتمام من الزوج و الصاقه باهله 24 ساعة
بشكل نستها الحب و كل
التضحيات و تزوجت ولد عم زوجها
و هو اصغر منها ب 7 سنين و الحمدلله عايشين في
تفاهم كامل
و عندهم بنت الله يحفظها و البنت الان في ال 17
من عمرها و الله ما رزقهم غيرها
خبرتكم بالقصة عشان ابتدي الموضوع
بنبتدي من الرجل
كيف الزوج ممكن يحافظ على زوجته ؟؟
سواء هي كانت جميلة او عادية او ملكة جمال او
حتى في رائ بعض الناس مب حلوة
من رائئ لالا توجد امراءة بشعة
لان كل عين تشوف الشخص
غير عن اعين ثانية
في عيني هذي جميلة و غيري
يشوفها عادية و العكس
الجمال شكل خارجي يجذب الناس و لكن للحياة
الزوجية الشكل بروحه ما يكفي
و لالالازم يكون معاه الاخلاق الحسنة و حسن
التعامل و هالشئ بالنسبة للطرفين
الزوج و الزوجة
الزوجة اشبهها بنبتة جوري
ان اهتمينا فيها و راعيناها بتثمر و بتعطينا ورود جداا
جميلة و ان
نعطيها سماد و فيتامينات لكن باعتدال
لان
ان كثرنا منه النبتة تحترق
و ان وقفنا عنها بعد بتموت و بتذبل مع الايام
و لكن ان بسرررعة قبل فوات الاوان
لحقت عليها و انت تشوفها يالسة تذبل
ممكن ترد مثل ما كانت و لكن ان تأخرت خلاص ما في أمل..
و النبتة هذي محتاجة سقي بشكل يومي السقي
ممكن نشبه بالعلاقة اليومية
ابتسامة ,السماع للي الزوجة تسرد لزوجها في
غيابه
حتى لو ما يسمعها على الاقل يهز راسه اونه
يسمعها هههه مب يقول اعرف الاخبار
قارتنها في الجريدة !!!!!!!!!!(كمثال هههه)
لما يدش البيت ما يدش مكشر بويهه
اول سؤال من العيال شو سويتوا في الامتحان؟؟
و و و وووووو
و من الزوجة وين كنتي وين سرتي
ليش ما قلتيلي
هالاغراض متى شريتيهم؟؟(مثلا اغراض المطبخ)
ليش ما خبرتيني بتمرين؟؟ ليش ؟ ليش؟؟
و ليش و ليش ؟؟و شو و شو !!!
هو لازم يعرف و يحس الانسانة اللي قبلت تكون
زوجته و اختارته من بين الكل
و هو اختارها برضاه و من بين كل البنات
اللي من حواليه …
هي جزء منه ,هي قبل كل شئ تبغي تكون هي
ملكة قلبه و تسمع منه هالشئ..
ان عندها عيال و تهتم فيهم تبغي حد يقدرها
ان مرتبة عمرها تبغي حد يمدحها
ان مرتبة البيت و العيال تبغي يقدرون تعبها . ان
هي اللي تودي و تيبهم تبغي
حد يقولها جزاج الله خير يا فلانة انا افتخر فيج انتي
أم مهتمة بعيالج و بيتج
مب شو يعني؟؟ هاشغلج تودين و تيبين
عيل ليش تسوقين؟؟ تسوقين اخلصين مشاويرج؟؟
لا حبيبتي انتي تسوقين عشان تودين و تيبين العيال
شوفي يا حرمة يوم بتقاعد ماشئ حتى
سيرة و ييبة العيال
انتي بس بتدورين في البيت من غرفة لغرفة
من تحت لفوق( ان كان البيت طابقين هههه)
و العكس و انا اللي بسوي كل شئ!
(( مجرد مثال ))
و تخيلوا شعور الزوجة كيف بتكون؟؟
هل هي مجرد وسيلة و جهاز لراحة الآخرين؟
تركت عز بيت ابوها و راحتها عشان تنسجن؟؟؟
ان بغت السجن كانت بتيلس بيت والدها
من دون كل هالازعاجات …
المفروض ان هي قدرت ظروفه يقدرها…
ان هي صبرت عليه في بداية حياتهم بالذات ان ما
كان مقتدر ,يشكرها و يقدر هالشئ
ان هي فقط و فقط لارضاءه هو تسمع و تطيع كل
اللي يقول حتى لو مب راضية او راضية بحد معقول
و لكن لاستمرار العلاقة الطيبة و الحياة المريحة
لنفسيتها و نفسية العيال و الزوج صابرة …
ييي في عينه و ان اختفت كل هالتقديرات
الحب يموت و الزوجة شيئا و شيئا بتبتعد عنه روحيأ
يعني داخليأ
و بعد سنين العلاقة بتفتر و هي تشوف نفسها
انسانة مقيدة و ما منها اي فايدة
الا ارضاء الزوج من كل النواحي و العيال لا غير و
بتحس عمرها هي المظلومة
حتى لو هي تعتقد هالشئ بسبب تصرفات الزوج
و هني بتفكر تشرد منه و طبعا كلنا نعرف الحرمة
صعب تشرد
و معنى الشردة مب تهد بيت الزوجية لا..
لانها مرتبطة بالعيال و بالذات ان ما تشتغل وين
بتروح؟؟؟ و بالذات ان هي من النوع اللي
تفكر بعيالها و راحتهم و نفسيتهم اكثر من عمرها؟؟؟
و ين بتروح ؟؟؟و لا مكان و عليها بالصبر و التحمل…
و لكن عاطفيأ بتكون بعيدة كل البعد عنه هو…
و هني نقول الزوج خسر زوجته و أم عياله…و طارت
عنه …و ان طارت ما بترجع مثل اول…
حتى لو هو تغير ..لان المزهرية ان انكسرت
ما بترد نفس اول يوم لو نلصقها
باحسن انواع اللاصق..
الجزء اللي تحت كيف الزوجة تحافظ على الزوج
تابعونا هههههههههه
و ان مليتوا لا تتابعونا خخخخخ
و الان نسير نشوف كيف الزوجة ممكن تحافظ على زوجها؟؟
الزوج كما الزوجة نبتة و لكن مب برقة الجوري بل مثل الشوك هههههههه
والله اسولف هههههههههههههههههههههههههههههههههههههههههههه
هو نبات رقيق و حساس و لكن ما يحب يبين للناس ان هو حساس
يحب يبين عمره كأنه جبل صامت و قوي و ما في شئ يهزه و طبعا نحن الحريم
نعرف الرجال يمثلون هالتمثيلية و في اوقات هم يستوون نفس الاطفال
يجتاجون حد يدلعهم و يمدحهم و يشكرهم و يهتم فيهم
جربوا قولوا له: اليوم محلو ماشاءالله
اليوم ويهك منور
اليوم طالع كتكوت حتى لو هو كبير
اليوم احس بك احلى قمررر حتى لو هو مب قمر!
انا بكل صراحة ضد الدلال الزائد من الطرفين
يعني ضد ان الريال يمشي وراء زوجته 100% و العكس
و لكن الرجال ممكن يمسكون اعمارهم و لكن الحريم لا ,يسون كل شئ
لارضاء الزوج و فقط و فقط عشان ما يطير !!!
المهم الاعتدال مطلوب
الحين منو تتكلم خخخخخ
انزين تكلمنا عن الرجال و الان دور النساء
كيف الزوجة تحافظ على زوجها ؟؟
هل هي بزيادة الاغراء له؟؟ بزيادة عدد الليالي الرومانسية على قولة بنات المنتدى؟؟؟
او بزيادة المديح او الشكر و التقدير؟؟؟
انا بخبركم رايئ و مب شرط الحق معايه انا اشوف العلاقة الزوجية لها دور كبير
يعني مب شرط المبادرة كل مرة تكون من طرف الزوج و لكن ضد ان الزوجة تبالغ بهالشئ
و تبين له هالشئ همها الوحيد و اسلحتها الوحيدة للحفاظ عليه يعني هي
لازم ما تحسسه بهالشئ ..
و الزوج بما انه يصرف على البيت و يشتغل من الصبح الى المساء و في رجال
دوامهم شفتين و في شيفتات يعني يغيبون عن البيت في بعض اليالي و بعضهم
من الصبح لين الليل و بعضهم طول الاسبوع و ما يشوفون اهاليهم
الا يومين في ا لاسبوع مثل اللي يشتغلون في امارات غير امارتهم
و في رجال تاركين اهاليهم اكثر من سنة في بلدانهم و يشتغلون كي
يعيشون زوجتهم و العيال عيشة افضل الله يعينهم و يعين اهاليهم يااا رب
انزين كيف المراة تخافظ على هالزوج؟؟؟
هو محتاج حد يقدره محتاج حد يمدحه محتاج حد يقدر ظروفه
مثل الطفل رغم انه هو ما يعترف بداخله طفل صغير
ان هي الزوجة كانت من النوع اللي ما تقدر تعبه
من النوع اللي همها و غمها الخروج مع صديقاتها
من النوع اللي بيتها مب مرتب سواء عندها خادمة او لا لان الغير مرتبة
حتى لو 10 خدم بعد غير مرتبة
و الادارة التعبانة ما تعطي نتيجة ايجابية
ان هي من النوع اللي في ا لبيت تلبس اكجر ثيابها و برع البيت افضل الثياب
في البيت تقولين شعشبونة و برع ملكة جمال
في البيت ريحتها طبيخ ووووع و برع احلى الدخون
و العطوووور
في البيت محد يشوف ابتسامتها ..و دوم مكشرة بويهها..
في البيت سايرة ياية تتحرطم و تنكت حياة الزوج و برع غيير
لا تهتم بعيالها و لا ابوهم لا تقول كلمة شكرا و جزاك الله خير يا فلان و لا تقول
احمد الله يوم اللي انت خذتني و انا اسعد البنات و لا شئ
تداوم و ترد من الدوام تنام لين المغرب و عقب هجوووم الى المولات
ان ما تداوم الصبح و زوجها يروح الدوام يكد و هي في الفراش مبخبخة رقاد!!!
لين الظهر و يوم جريب يوصل تقوم و تغسل وييها و تجابله بويه منتفخ من كثر النوم
لا كلمة حلوة و لا مديح و لا شئ
انزين الرجل انسان و له احساسه و له قلب يحب
ان في هالايام صادفها بنت في ا لدوام في ا لشارع او اي مكان و ارتاح لها
نلوم من ؟؟؟ الزوج او الزوجة ؟؟؟ طبعا الزوجة و انا حرمة و اقول و اعترف بهالشئ
و ان الريال يحليله يشتغل كل هالساعات كي يريح اهله و الحرمة تيي اول الشهر
مثل العاصفة تشل البيزات و ركككض الى الاسواق لشراء كماليات لا حاجة لها
بس لمجرد كشخة و خقة (ما اقصد كل وحدة كشيخة خقاقة لا والله بس اقصد
اللي يمدون ريولهم اكثر من لحافهم )
انزين المسكين شو ذنبه؟؟؟ هو يبغي يدخر عشان يبني لها و لعيالهم و هي تطير الفلوس
في لحظة!!!!
انزين الحين قلنا ان الريال ما اهتم بحرمته هي بتطير…
و ان العكس هو بيطير..
في ا لحالتين الطيران شغالة خخخخخخ
و الفرق هي بتطير و لكن جسدها موجود….
و هو بيطير و جسده غير موجود الا ربما نصه فقط….
لان هو رجل و ممكن يتزوج باللي دش قلبه بتصرفاتها و اخلاقها و اهتمامها…
و لكن هي امراة لالالالالالالازم تصبر و تصبر و تصبر لين ما الله يفرجه لها
و لكن المصيبة الكبري
ان كانت الزوجة تسوي كل شئ ما ييي في عين الرجل!!
و الزوج يسوي كل شئ ما ييي في عين زوجته!!!
كل واحد وين يدق براسه؟؟
خبرونا
ههههههههههههه
هههههههههههههههههههه
صدقتي والله يا اناناسة
كلالالالالالالالالالالامج عين العقل
اكيد لازم تكووون تضحيات من الطرفين عسب تستمر العلاقة الزوجية
واهم شي الاحترام المتبادل والحب والمودة
بتستمر العلاقة عااادي
بتتخللها بعض المشاكل بس بيتخطونها
الله يسعد الكل ويوفجهم
موضوع رااااااااااااااااااااااااااااائع
حلو،،، يزاج الله خير الغالية
تسلمن حبايبي ادريبكم ما قريتوها كلها لانه طويل ههههههههههههههه
انتي يا ام مايا توقيعج مخالف الحين بطيره ههههههههههه سامحيني ههههههههه
يمنع وضع صور غير مضللة ههههههه
لا لا شكله عادي الحرمة متسترة ههههههههههه
حلوووووو الموضوووع ومفيد تشكرااااااااااات انوووووووسه كلهن موااااضيع اتونس اسم على مسمى
ويااااااااليت الحرييييييييييم يسمعن عددددددددددل وينفذن كل حررررررررف
واووووووولهن اناااااااا خخخخخخخخ >>> لااااا اسوووووووولف بسسسسسس نهيت السوووق عاااااااد ما نستغنى لاااااااازم ركييييييييض
ويااااااااليت الحرييييييييييم يسمعن عددددددددددل وينفذن كل حررررررررف
واووووووولهن اناااااااا خخخخخخخخ >>> لااااا اسوووووووولف بسسسسسس نهيت السوووق عاااااااد ما نستغنى لاااااااازم ركييييييييض