كيف يرتفع هرمون الحمل وكيس الجنين فاضي؟؟ طمنوني

السلام عليكم ورحمة الله..

انا حللت من شهر وطلعت حامل بس كان الهرمون نازل..وكان يرتفع بس ارتفاعات بسيطه ومن اسبوع رحت اسوي سونار لاني كملت 6اسابيع و5 ايام..
وطلع كيس الحمل فاضي وقالت لي الدكتوره سوي تحليل مره ثانيه واذا نازل خلاص هالحمل انتهى ..ويوم سويته كانت الصدمه انه ارتفع وايد ووصل 7000
وقالت تعالي بعد كم يوم بس مارحت والبارحه بالليل رحت وكنت مكمله 6 ايام من آخر تصوير وبعد كان الكيس فاضي بس قالت الدكتوره عيدي التحليل وخلينا نشوف الهرمون كم وصل..
وعدته..وسوت لي اليوم الصبح وقالت الهرمون ارتفع ووصل 17800 وهذا زين ولازم اعيد التصوير علشان اتأكد وطبعا كله تصوير داخلي..ونفس النتيجه مافي نبض بس الجراب اللي يتكون منه الجنين..وقالت عيدي التحليل الحين لاني ما اقدر اكتب في التقرير الن الحمل منتهي الا اذا نزل الهرمون ولو حتى 100 بس..
وعدته وكانت الصدمه انه ارتفع ووصل من البارحه بالليل لين الصبح 19700..والدكتوره سكتت وماقدرت تعطيني جواب ولا قدرت ترسيني على بر..وقالت بعد 3 ايام بنعيد التصوير والتحليل..
وانا الصراحه تعبت وايد ونفسيتي تعبت ..اذا حد يقدر يريحني او يفهمني وا مر بهالحاله..بس ابغي اعرف..

اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين
جيكي عن غيرها..

مرحبا الغاليــــه…زيمكن تقريبا انا مريت بنفس حالتج …اول ما حللت انيه حامل كشفت عليه الدكتوره وكنت تقريبا خمس الى ست اسابيع وكان بس يظهر الكيس بدون جنين وكنت كل ماروح اسوي فحص للهرمون يكون في ازدياد وهذا مطمئن نوعا ما… لأن هذا يسمونه طبيا (حمل مبكر-early pregnancy) يعني فعلا يكون في حمل وهرمون الحمل يزيد بس الجنين بعده ا تكون وظهر وتصدقين ان تقريبا عقب 10 أيام او 15 يوم بالكثير شافت الدكتوره الجنين بين وكان صغير وكل شي كان اوكي…لا تستعيلين وسيري شيكي عند دكتورة ثانيه أحسن…وانشالله الله يطمنج

مشكوره اغاليه على اهتمامج..وانا حاجزه موعد على السبت واكيد بخبركم شو استوى..

اللهم آمين ..جميعا ان شاء الله..
وان شاء الله بسير بس الهم يذبح..

بس انا شفت الكيس خالي وبوضوح وفيه بس الجراب مال الجنين..
وانا اختي الحين مكمله 7 اسابيع و5 ايام….الصراحه مابغي اعطي عمري امل لاني تعبت واخاف اللي فيه خظير اسأل الله السلامه..
وياريت اطمن في القريب العاجل..

الله يسهل عليج وطمئن قلبج ع اللي فبطنج واتشوفينه وتسمعين نبضه ..

لا تيأسين من رحمة الله .. وعليج بالاستغفار حاولي تستغفرين لو باليوم ع الاقل الف مره .

وربي يفرجها عليج …