ناوية أسير العمرة أول مرة بس أبغي أشل وياي ولدي 4 شهور لأنه يرضع طبيعي…
شو رايكن ؟ بتلعوز أو لا ؟ و اللي جربت و سارت بعيالها توصف كيف دبرت أمورها هناك..
أتريا الردود…
انا سرت العمره مرتين ويابنتي والحمد لله مره وعمرها 3 شهور ومره وعمرها 10 شهور والحمد لله الله سهل علي .. ولين الحين ارضع طبيعي يعني ما تلعوزت وايد .. كنت ماخذه وياي الحماليه شرات الاجانب الي ينحط عليها الياهل وتلبسينها مثل الكنغر " خخخخخ ما عرف اوصفلج انشالله وصلت المعلومه" المهم بتحصلينها في بيبي شوب.. نفعتني واااايد في الطواف والسعي ..وحزت الصلاة كنت افرشلها عالارض عادي واصلي بالحماليه لاني ماكنت افصخها موليه "مثبتنها ومطلعتنها من العباه من جدام حق البيبي لما احطها..
وبالنسبه للرضاعه عادي كنت ايلس اي مكان وارضعها .. وان كنت بصلي برع الحرم كنت اخذ العربانه وياي احطها فيها واصلي لانه ممنوع تدخلين فيها .. بس الشي الوحيييييييد الي لعوزني يوم يكبرون للصلاه الصوت واااااايد عالي فكانت بنتي تتروع وتصييييييييييح ^_^
المشاركة الأصلية كتبت بواسطة dolfii 
لا دليل على إجابة الدعاء حال رؤية الكعبة
https://www.islam-qa.com/ar/ref/11932/ط§ظ„ط¯ط¹ط§ط،%20ط§ظ„ظƒط¹ط¨ط©
نصيحتي
أتركي ولدج عند أمج وسيري لو يومين حتى تفضين للعبادة وأنت مرتاحه وخفيفة ..
لان اخذت طفلي وعمرة 6 أشهر تلعوز وتلعوزت وياه وخصوصا عند الصلاة كنت أخاف علية من الامراض وعند السجود أخاف حد يسرقة(وسواس) كنت مايلس وايد في الحرم عسب لازم ارضعه أو أبلدله اذا وسخ قضيت أغلب الوقت في الفندق .. والحمدلله ..
واذا لابد انك تاخذين ولدج الله يحفظه اخري السيرة لين شهر 2 أو 3 الحرم شوي بيفضى من الحجاج والشيعه (لان في محرم يكثرون) .. وبيكون هادي ولا تنسين تاخذين للحرم سداحه أو الكرسي الي يقدر ينام عليه او يجلس عليه ( ان شاء الله فهمتي عليه) المهم انج ماتحطينه على فراش الحرم لان الناس الله يهديهم يوسخونه وينامون عليه فما يصلح للأطفال .. وشنطة فيها اغراض البيبي وشوية ألعاب ولحاف صغير أدري وايد بس بين صلاة المغرب والعشاء شوي
وقت طويل فبتحتاجين له …
والله يسر أمرج ويتقبل منح
والله يتقبل منج أن شاء الله