السلام عليكم
اليوم غدانا مجبوس دياي والطريقة سهلة ولذيذة الحمدلله
البهارات ( بزار عربي وكركم وملح )
القرفة والمسمار والفلفل الاسود الصاحي مو مطحون
بصلة واحدة
كوبين عيش
نقلي الدياي بالزيت
نحطي بالقدر زيت اشوي من اللي قلينا فيه الدياي علشان النكهة ونضيف البصل
ونضيف الكركم والثوم
ونضيف المسمار والفلفل الاسود والقرفة وماي اشوي
ثم نضيف الديا ي وكزبرة اشوي وملح وبزار عربي والماي نصبه لفوق الدياي
ونخليه يفور اشوي الماي ونصب العيش
نحرك العيش اشوي ونطول على الغاز ونغطي عليه
ولما الماي ينشف اشوي نقصر عليه كامل ونخليه لحد مايستوي
وهذا شكله النهائي
ادعوا لي الاقي وظيفة
ان شاء الله تحصلين وظيييييييييييييفه يارب
بالعافيه عليكم
المشاركة الأصلية كتبت بواسطة فرح راكـ 
ان شاء الله تحصلين وظيييييييييييييفه يارب
بالعافيه عليكم
الله يعافيج حبيبتي
تسلمين للمجبوس وثانى شى ان شااااء الله انحصل شغل مع بعض لانى انا ادور من فتره والله كريم
تسلميين
سهل وشكله حلووووو
ماشاء الله عليج
ماشاءالله نفس طريقتنا بالضبط لاتكوني وحده من خواتي هههههههههه