محتاره افتح ملف فالزهرا و لا المدينه الجامعيه

مرحبا ..
انا اول بيبي يبتها فالزهرا عند دكتوره شما .. رائعه فالخياطه و الاسلوب و احبها حنونه .. بس المشكله اوووف من مواعيد الزهراء و الاجانب الي مكودين .. ما احصل مكان ايلس … وعادي الموعد ساعه 10 الصبح دشين 12 من كثر ما يتاخرون عند الدكتوره .. فعشان جي ما ابا اروح ومتعايزه ..
و اختصاصي الاطفال ما حسه وااايد بروفيشينال .. و غير جي ما تحصبين مواعيد جريبه ابدا واذا يتي ع غفله حسيتي بالم او تعب لازم تمين ع الوايتنج لست لين ما كل المراجعين يروحون .. يعني عادي 5 ساعات

المدينه الجامعيه جريبه علي .. يعني عادي مواعيد المسا بتكون جريبه مو لازم الصبح .. بس ماعرف هم كيف .. انا عشان هي جريبه مني وااااايد و في مكان للاطفال اذا وديت بنتي وياي المواعيد لاني ما اخليها ويا البشكاره ابدا بروحهم .. فماعرف ابا اجربهم بس خايفه انهم مو اوكيه ..

لازم احجز موعد ع الاكثر يوم الاحد و لا الاثنين ..

اتم ع الزهرا و لا اجرب المدينه ؟؟

انا فتحت ملف فالزهرا عند الدكتورة رباب وكنت خايفة من سالفة الانتظار خصوصا هال دكتورة عليها زحمة واحيد السنة اللي طافت اقل شي ايلس أتريا ساعتين حتى لو ماخذة موعد .. بس اخر موعدين سرت ما طولت استغربت قلت يمكن عدلوا سستمهم العبيط أخيرا .. انتي يوم تاخذين موعد أكدي عليهم اذا الموعد ثابت ولا ع الانتظار .. وصرت اتصل قبل ما اكمل شهر بأسبوعين عشان احصل موعد فالوقت اللي أباه تقريبا .. و رأيي اذا تعرفين حريم ربوا فمستشفى الجامعة ويمدحونه استخيري و توكلي على الله بس انا قريت كذا تجربة عنهم وكلهم مب شي والحريم تبهدلوا ف مافيني اغامر لاني كنت افكر اسيرلهم بما أني فالقراين بس خلاص حطيت عليهم اكس ..

ربيعاتي هنتين ربن فالجامعة و مدحوهم
انا ربيت فالزهرا بعد أوكي و صح كلامج بخصوص اختصاصي الاطفال

انا بالزهرا فاتحه عندهم ملف عند دكتوراه رباب صح الانتظار والمواعيد تقهر مب عشان الزحمة لانه الدكتوره لو ياها ولاده تترك الموعد وتسير عند الحرمه الي تربي لين تخلص فالمواعيد كلها تتأخر على شان هالشي
آخر مره سرت انتظرت مال ثلاث ساعات لانه حرمتين ربو بنفس الوقت

بس بعد عنايتهم بالولاده وايد حلوه وايد يهتمون بالوحده

انا عن نفسي اجوف الكل يمدح مستشفى الجامعه ويذم مستشفى الزهراء

انتي صلي صلاة استخارة وتوكلي على الله

بس انا انصحج في مستشفى الجامعه

انا رحت الاثنين واختي ربت فالزهره مرتين ومره ما عيبني وضعهم وعنايتهم وجفت مستشفى الجامعه نظافة واهتمام

انت روحي الاثنين وعقب قرري

الزهرة جان تبين رايي
اختاري الدكتورة الصح و ماراح تندمين
براية الزحمة المهم النتيجة
الجامعة انا ما جربتهم و احس ما عندهم الخبرة الكافية و انتي و اختيارج