مدرسة الابداع العلمي الدولية

الله يخليكم لا تبخلون علي بالنصيحة شو رايكم بالمدرسة ابغي ادخل عيالي فيها من حيث مستوى اللغة الانجليزية و من ها الاشياء و طريقة التدريس
الله يجزيها كل خير اللي ترد علي

لا تبخلون علي يزاكم الله خير

اختيه اذا تقصدين الي في الشارجه فنا بصراااحه ما سمعت اي حد يذمها بالعكس الاغلبيه العضمى تمدحها
وانا سرت وشفت المدرسة وبصراااحه واااااايد حلوه وبيئتها دينيه

بس ترى الاقبال وايد كبير عليها…وامتحانات القبول حتى للصفوف الثاني تكون تحت معايير وما يقبلون اي حد الا اذا فوق المستوى……

اذا عيالج في الكيجي فدخلينهم

بس اضني وقفوا التسجيل لانهم بدا من شهر واحد

مشكورة الغالية

انتظر ردودكم

ماشي مكان لكي جي 1..سرت لهم من كمن يوم

هلا عزيزتي …
أنا عيالي الثلاث كانوا فيها والسنه هذي اضطريت اطلعهم عسب رسومهم الدراسية العالية … ولا المدرسة من حيث الانجليزي والعربي ممتازة ..

يعني ما يركزون على الانجليزي بس لا العربي بعد ..

ولدي العود درس فيها من كي جي 1 لين الصف الرابع … والثاني من كي جي 1 لين الصف الثاني والثالث بس الكي جي 1 …

اكلمج عن الكبار ما شاء الله اتاسسوا صح في الانجليزي والعربي ..

المدرسة وخصوصا في الانجليزي ما تعطي A الا للطلاب اللي لغتهم الانجليزية الاولى …

متى لاحظت الفرق … الحين في مدرستهم الحالية ما شاء الله تبارك الرحمن طلعت درجاتهم العالية فعرفت انه تاسيسهم قوي …

مثل ما قالوا البنات … جربي حظج لان المدرسة عليها اقبال كبير … وبالتوفيق