مركز دبي للاخصاب و مستشفى التوام

السلام عليكم و رحمة الله وبركاته

بنات انا حابه استفسر عن التلقيح الصناعي و اطفال الانابيب في مركز دبي للاخصاب و مستشفى التوام
انا سمعت من فترة انه العلاج مجانا للمواطنين
انا وافدة بس زوجي مواطن هل في هذه الحاله العلاج يكون مجانا؟
واذا ما كان مجانا كم اتكلف التلقيح الصناعي وشو احسن مكان مركز دبي ولا التوام؟

وشو احسن دكتورة عندهم
بليز اللي مجربه اتخبرني

ادعولي "ربي يرزقني و يرزق كل اخت تتمنى الحمل عاجلا غير اجل"

"ربي لا تذرني فردا و انت خير الوارثين"

ربيعتي مسوتنه عند مركز الدكتور فقيه في بوظبي
الحمدلله نجحت وياها من ثاني مره والحين في الشهر الرابع
قالتلي يكلف فوق 30 الف
بالنسبة لمركز دبي للاخصاب ومستشفى توام ما عندي فكرة
بس اذا ريلج عنده تأمين من الشغل أو بطاقة ثقة من بوظبي بيعطونكم خصم كبير وما بياخذون الا نسبة بسيطة

مركز دبي الإخصاب يكون مجاني لأهل دبي بس ،، اذا انتي من دبي يمكن يكون مجاني ،،

اتصلي المركز بيفيدونج اكثر

الله يرزقج بالولد الصالح ان شاء الله

لا مب مجاني لأهل دبي

لاني اعرف وحدة من دبي تعالج سبب فلوس او اذا عندها بطاقه

مركز دبي للاخصاب مجاني في حال ما عندج ولا بيبي .. بس تأكدي اذا زوجات المواطنين في الحسبه ولا لا ..

و ربي يرزقج من اوسع ابوابه يارب و ما يضيع تعبج ..

أحسن شي دقي 181واخذي رقمهم وهم بيعطونج المعلومات لي تبغينها ترا مايقصرون انا اقصد مركز دبي للاخصاب