مشكلة بنتي المفاجئه ويا المرضعه ساعدوني :(

السلام عليكم
شحالكم خواتي
عندي مشكله ويا بنتي انها رافضه تشرب من المرضعه نهائياً
اسمحولي بشرح شوي بالتفصيل لاني اريد تفهمون الوضع عدل

هي الله يحفظها عمرها شهر ونص تقريباً
اول مايبتها ماكان يطلع مني حليب
ف عطوها بالمستشفى صناعي يمكن 4 مرات تقريباً
عقب كله طبيعي الحمدلله
وعقب شفطت لها والحمدلله تقبلت المرضعه
وبعدين جربت اعطيها الصناعي والحمدلله شربته
بس نادر اعطيها الصناعي ( ابتاميل ) بس لما اكون برع البيت

المهم
اخر مره شربت فيه صناعي مادري شو استوى عقبها تمت ترجع وايد حبيبتي
يمكن من البروده او يمكن انغثت من الحليب ماعرف
بعدها تميت 3 ايام اعطيها كله طبيعي

المشكله بدت عقب هال3 ايام
غيرت لها الحليب لاني خفت ترجع مره ثانيه وشريت حليب ( نان )

بس رفضته وتمت تصيح صياح وكل محاولاتي فشلت
قلت برجع لابتاميل يمكن ماحبت نان
بعد نفس الشي تمت تصيح وماتشربه نفس قبل !!
انصدمت
عقب قلت بغير المرضعه مع انها كانت ترضع منها عادي
واخذت نوعيه زينه اللي قريب من صدر الام
بس ماشي فاايده تمت تصيح صيااح لين ما استسلمت
وتمت طول اليوم زعلانه وتصيح
وحاولت قبل شوي اعطيها الصناعي اقربها من صدري عقب ادخل المرضعه اتم تصرخ وتنسكر من الصياح
لدرجه وهي راقده تنش فجأه تصيح وترجع ترقد قطعت قلبي
شكلها وايد متأثره اني كنت اجبرها وادخل المرضعه غصب

شو اسوي ساعدوني اريدها تتعود عالصناعي وتتقبله نفس قبل مستغربه ليش جي فجأه ماقامت تشربه
احتاج اعطيها لما اكون برع البيت

ونفس الوقت ما اتحمل لما اشوفها ويها يزرق من الصياح وانا احاول غصب ادخل المرضعه
اختي تقول قوي قلبج وتحملي صياحها اخر شي بتشربه جي كانت تسوي مع عيالها
بس احس هالطريقه فيها قسوه مع الياهل

شورو علي
منو جي استوى مع عيالها وعقب تقبلوا المرضعه

الغالية تأكدي اذا مافيها شيء مثلا التهابات
او شي بحلجها يعورها ..
و الله يحفظها لاتغصبينها جربتي تشفطين
وتحطين بالمرضعة يمكن ماتحب الصناعي فلا تغصبينها اشفطي لها احسن

اختي المعاني كيف اتأكد اذا فيها التهابات ؟
هي عادي ترضع مني عادي الحمدلله

ترى الغريب بالموضوع انها شربت قبل صناعي
يمكن 3 مرات مب اكثر
بس الحين اخر مرتين ماتقبلتهم

انا من اقرب المرضعه لحلجها اتم تصيح شكلها حتى ماذاقت الحليب ف احس لو شفطت نفس المشكله

اختي هالوضوع طبيعي عند بعض اليهال, بنت اخوي جذي تكره المرضعة وبس تبا طبيعي مع انها كملت سنة فديتها
لا تعطينها الصناعي ولا تجبرينها على المرضعة اذا ما تباها اصلا مب زين الاجبار, وهي توها صغيرة المفروض
تعتمد على حليب الأم وبس عشان فايدته, وخلي الصناعي لين تكبر شوي
لأنه حسب الدراسات لازم الأم تستمر بالطبيعي فقط لين يكمل الطفل 6 شهور لانه انزيمات الهضم تكتمل بعد هذا العمر
وتكون قادرة على التعامل مع الاكل لهالسبب هاي ممكن تكون مرحلة الفطام عشان مخزون الطفل من الفيتامينات والحديد
يبدا يقل ويكون احتياج الطفل أكبر وحليب الأم ما يكفيه.

عموما ان شاء الله تلقين حل للموضوع

تقديري

الله يحفظها لج يارب

ولدي يوم كان فيه التهابات حلجه من داخل ولسانه
وايد وايد ابيض ومايقدر يمسك وقت الرضاعة عدل

الله يحفظها يارب وتلقين حل

يمكن السبب مايكون فالحليب اختي يمكن يكون الم في رقبتها لازم كل ساعه ونص تغيري وضعيه راسها لانه الام فضيعه ينتج عن هالشي والطفل يصيح ويرفض اي شي من الالم لما يتحرك
وجربي تعطينها حليب الوما او كابريتا حليب الماعز جدا رائع