اشحالكم خواتي عساكم بخير وسهاله؟
حبت اليوم اعرض لكم مشكلتنا و الخدم…
اول شي السواق: كان عندنا سواق يشتغل من 4 سنوات ,,, بصراحه كان شغيل وساد كل احتياجاتنا ومتطلباتنا و امين ,,, يعني كل شهر يسير يلقط اجارات بيوت ابويه الجديمه بال 20 و 30 الف وبعد يقضي اي مشاوير نحن نباها وتخيلو اخر مره مطرشتنه راس الخيمه يفصل لي عباه وجي.. بس وهو راجع من راس الخيمه سوا حادث في الشارجه ويوم يوه الشرطه لقو عنده كرتونين خمر وحبوب يستخدمها ممنوعه من البلاد .. طبعاً شرطة الشارجه حكمت عليه بجلد 80 جلده وغرامه ماليه 20 الف وحبس 4 اشهر..
ونحنا مادرينا به الا بعد 10 ايام ما خلينا حد ما سئلنا عنه
الحين طاف شهر على الحادث وبصراحه وايد عثرانين بدون سواق واذا لقينا سواق غيره عصب اننا نعتمد عليه بكل شي,,, انا الحين افكر بحال بناته في الهند واقترحت على اميه ان يطلعونه من السجن بس على طول يكنسلونه واقول في خاطري من عفا واصلح اخره عند رب العالمين..
وثاني شي شغالتنا… اشتغلت عندنا من شهر 6 ونحنا سافرنا عنها وتمت في البيت ويا اختي العوده وهي طبعاً خذت راحتها في البيت
ويوم ينا من السفر موول ما تسمع الرمسه وما تسوي شغلها الا اذا انتي كل يوم تطلبين منها والظهر ترقد من الساعه 1 الظهر الين 6 المغرب
كم مره اميه ترمسها وماشي فايده واليوم اميه قالت لها باسفرج لفت اغراضها وكانت بتشرد بس اميه خذت كل اغراضها وحطتهم ف البيت ويوم فجت اميه الشنطه
لقت كل اغراضنا فيها
تخيلو بنات انا شاريه قمصان من السفر بعدني مالبستهم لقيتهم عندها فوق 10 قمصان
موبايلي كان ضايع وحصلته عندها مع بطاقة واصل مال ابويه
ومكياجاتي وشنطتين وحده شانيل والثانيه قيس وابواك وصورة اخويه العود!!!
قاهرتني من الخاطر واميه تقول لا ترمسونها
انا شو سويت خذت كل اغراضي وقمصاني وغسلتهم وقلت بتصدق فيهم على فقيره احسن منها
بصراحه ما خلت شي في البيت ما خذته
والحين يايه الشغاله الثانيه عند اخويه تقوله ترا هاي تبا تشرد!!
وابويه مره لاقنها يايه من مكان حزة صلاة الفجر تخيلوو!!!
شو الصرفه وياها خبروني!!
المشاركة الأصلية كتبت بواسطة كريزي مون 
صح رمستج اختي وهذا اللي بيستوي ان شاء الله
بس انا قاهرتني انها ولا جنها مسويه شي وتقول هاذيلا اغراضي!!!
هذي سفريها على طووووول