مشكلتي مع اخوي الصغير و الرسوب

حالنااا من حالج اختي..

ما ادري وين تفكيرهم هالاولاد هالاياام

الله يعيننا بس

وايد أولاد جذيه في الحكوميه ينجحونهم الا بالدز والواسطه
حاولي تنصحينه تقوليله لو نجحت بعطيك شي يعني بشتريلك الشغله الفلانيه

يمكن هالنوع من المكافات يشجعه ، قوليله شوف فلان تخرج واشتغل ويستلم فلوس وايد

يعني ساحليه من هالناحيه وان شاء الله يقتنع عاد ويشد حيله

خذيه على صوب ورمسيه ..
وقولي له انك انت الحين صرت ريال ، لين متى تبا تم وتعيد السنة ..
شوف اللي من حولك انجحوا وعدوا ، >>>>>> وانتي ترمسين لا تبينين له ان الباجيين احسن عنه بس وريه الصورة بشكل عام ، وبيني له انج خايفة عليه وتبين مصلحته ..

قولي له هم مب احسن عنك ، بالعكس انت احسن عنهم بوايد اشياء وانا عارفه ان انت عندك امكانيات وعندك قدرات وانا عارفه انك تفهم وتستوعب ، رمسيه بحنان ..

وقولي له خلاص انسى اللي مضى وابدى صفحة يديدة وعزيمة وارادة يديدة ، اباك باجر لما تكبر تصير مهندس ..
لما بيذاكر روحه بدون مدرسين ايلسي وياه سمعي له ..

وقولي له عن كل امتحان تييب فيه درجات عاليه بعطيك 100 درهم مثلا ..
بس مب تعودينه دايم تعطيه فلوس عقب بيتعود انه ما يبنجح الا ان شاف الفلوس عنده مرة فلوس ، مرة طلعة يعني كل مرة غيروا ، وحملوه المسؤولية في البيت ، دق جرس البيت قولي له يالله قوم انت الريال شوف منو عند الباب
حسسوه بالمسؤولية ..

ولما بيبدأ يتحسن ابدي خففي عنه الفلوس والجوائز اللي تعطيها له ..

دايم حسسوه انه لما بينجح ، ينجح لعمره مب لحد ثاني ..

والله يهديه ان شاء الله وينجح ..
= )

الله يكون في عونج الغالية .. تري المسؤلية مب بسيطة .. الله ينور بصيره اخوج ويهديه على طاعته

لا تنسين الدعاء

وبعد لا تغفلون عن صلاته

وعليكم السلام ورحمة الله وبركاته

اختي اول شي عاقبوا بتقولين كيف ..؟

بقولج احرموه من اشياء يحبها او مثلا يبا شي لاتاخذونه له على طول

قولوله لونجحت بنييب لك الشي الفلاني

يمكن تكونون انتوا موفرين له كل شي فيقول حتى لو رسبت عادي بييب لي الشي الفلاني

فحاولوا معاه بهاي الطريقه وشجعوا ان لو نجح بتييب له الشي اللي يباه