معجون الاسنان

السلام عليكم ورحمة الله وبركاته
خواتي
ولدي عمرة سنه وشهرين شريت له فرشاة اسنان حق عمره
بس ما لقيت معجون الاسنان حد عندها اي فكرة وين الاقيه او شو اسمه لاني دورت في كذا صيدلية بس ما لقيت

انا اخذ لبنتي كولجيت بتحصلينيه في كارفور قسم الاطفال اقري العمر عليه

وعليكم السلام والرحمة
اختي حق عمره مايحطون معجون
انا ولدي الله يحفظه كمل سنتين وماستخدم له معجون
كل اللي اسويه انظف فرشاة بمعجون الاسنان العادي للكبار واغسل الفرشاة عدل بالماي وافرش اسنانه يعني بس تكون ريحة المعجون في الفرشاة وممكن كل شوي تبللينها بالماي وبس

استخدمي المعجون من عمر 3 سنين وكمية جداً قليلة اقل من نص مساحة فرشاة الاسنان ويفضل معجون اسنان طبيعي يعني من الاعشاب مثل معجون دابر او من محلات الاورجانيك
المعجون المخصص للاطفال فيه السكارين ( سكر) فما احبذه ابد

مشكوووووورة خواتي على ردوكن الطيبة

حبيبتي بتحصلين معجون اسنان في الكارفور صوب معجون والفرشاة
مكتوب عليها من 0-3
انا شريت البارحه

سيجنال كيدز بطعم الفراولة من 6 شهور وفوق مافيه سكر ويبيض ممتاز الصراحة انا استخدمه حق ولدي