عندي مشكله صغيرونه وهي اني ما اشرب القهوه العربيه لا انا ولا ريلي والمشكله اني لازم اسويها يوم ايونا ضيوف. حابه انا نتشارك ونكتب كل شي يخص القهوه من مشتراها لين طبخها لين تقديمها. ونتبادل الخبرات عشان الكل يستفيد.
الاسئله:
من وين تشترين القهوه في بوظبي؟ جاهزه والا تطحنينها؟
جد جربتي قهوه الرفاعي اللي تنباع في الجمعيه؟
كم فنيال اتحطين لقياس الدله اللي هي نص ليتر وواحد ليتر؟
شو الطريقه الصح والتقليديه ؟
شو اسراركم في صنع القهوه اكيد كل وحده ولها طريقتها؟
اذا نسيت شي اكتبوه.
حتى انا ماعرف اسوي قهوة ابدا
الله يخلي بشكار عمتي
لكن فضيحة ابى اتعلم
وتحطين فنيانين قهوه (بن) البودره وتفورين المره الاولى وتطفين الغاز والثانية والثالثة بعد الثالثة تخلينها
شويه على شان تركد وتحطين فالدلة هيل ملعقة صغيره واذا حبيتى تحطين زعفران مع الهيل او بروحة
وتيبين مشخل ( مصفاه) وتصلين القهوه وخلاص
المشاركة الأصلية كتبت بواسطة Rha 
وتحطين فنيانين قهوه (بن) البودره وتفورين المره الاولى وتطفين الغاز والثانية والثالثة بعد الثالثة تخلينها
شويه على شان تركد وتحطين فالدلة هيل ملعقة صغيره واذا حبيتى تحطين زعفران مع الهيل او بروحة
وتيبين مشخل ( مصفاه) وتصلين القهوه وخلاص
هلا اختي
تقصدين الدله ام الليتر تاخذ فنيالين قهوه صح؟