خواتي تفاجات لما قالولي عمر السنه ماله كرسي ولا سرير يالله كيف بسوي
فكرت احجز بزنس بس هل في اختلاف فالوسع الطفل وين احطه الرحله وايد طويله فوق 10 ساعات ماقدر امسكه طول هالوقت اتعب بسرعه
بليز عطوني اراءكم وتجاربكم
هل لو شليت كرسي السياره وثبته فكرسي فاضي عادي ولا ممنوع
وايد احاتي طمنوني بليز
الكراسي فيها وسع اختي وتقدرين ترقدينه واتحطينه حذالج .. بس على حسب الطيارة بعد وحجم الكراسي
يعني الكراسي على الطياره 380 اتيج اوسع هذا اذا طيران الامارات ..ولا تحاتين الياهل اول ساعتين يكون واعي وعقب يرقد
وتدرين يوم السفر لاتخلينه يرقد وايد وفي الطيارة رقديه وخلي حد يساعدج من اللي بيسافر وياج
وما اعتقد يسمحون بكرسي السياره لانه من الاساس ماله كرسي فوين بتحطينه؟!!!
اختي روداليا اشكرج ماقصرتي. صح ماله كرسي بس اقصد لو شي كراسي فاضيه وانا عندي كرسي السياره الي يتثبت في الطياره هل بيخلوني احطه فيه ولا المنع يشمل كرسي الطياره والسياره. حتا لو كرسي البزنس واسع ماعتقد يكفيني انا وياه كيف احطه جنبي يالله والله تعب يارب سهلها من عندك فالذمه كيف مالهم كرسي صعب والله في ناس ماتروم تمسك الطفل اكثر من ساعه شو يسوون
حد جرب يرقد االطفل فالارض فالبزنس كلاس مال الاتحاد ولا وهل من الاسااااااس شي وسع فالارض ولا ممنوع ولا كيف
انتظر اجوبتكم بلييييييييز