….
أنا اليوم سويت الخلطة اللي قريتها في أحد المواضيع … بس ما أدري وين الموضوع ألحييين لوول …
الخلطة عبارة عن … حلاوة طحينيه بالمكسرات (علبة وحدة كبيرة) كاس ونص مكسرات (جوز +لوز+كاجو) طحنة حلبه (يعني تملين الطاحونه) ملعقة ونص خميرة (حقت الاكل)
هالكلام منقول بس أنا شو سويت … يبت حلاوة طحينية اللي هو الرهش .. و حطيت كاجو و حلبة و خميرة شراااات اللي مكتوب ..
و ببدا آكل هالخلطة 3 مرات فاليوم … طعمها شوي مر بس تنبلع عااادي هعهعهع …
انزيييين و بعد باخذ حبوب تفتح الشهية … سيرو الصيدلية و اسألوووو….
انشااااااااااااااااااااااااااااااااااا الله أنتفخ شوي … لاعت جبدي من الضعف …
أنا طولي 162 و وزني 43 … و عظمي مب عريض مثل بعض البنات .. لاااااا أنا عصاقل بمعـنى الكلممممممممة …
يلا اللي بتشاركني عشان نشجع بعض ….
اخيرا عينت حد يعيش نفس معاناتي
انا بابدا معاج
بس الغاليه كيف الخلطه ما فهمتها
الله يسلمج .. تيبين الرهش و الكاجو تقطعينه صغار و كوب صغير حلبه و ملعقة و نص خميرة… تخليطينهم كلهم مع بعض .. و تحيطين الخلطة فالثلاجة.. و تاخذين ملعقة الصبح و العصر و قبل الرقاد ..
انشا الله أكون فدتج حبيبتي … و أي استفسار أنا حاضرة …
الحلبه حطيتها كاملة مب مطحونه عسب جي الخلطة مب مرة ,, لا حظت ظهرن لي خدود
وان شاء الله خييييييييييير ..
مرحبا عصقولات.. >>خخ
انا سويت الخلطة بس ع طريقتي..
شريت الرهش.. ويبته ويا المكسرات .. بس
أما الحلبة شريتها بس ما اتجرأت آكلها .. والخميرة ما أتحمل ريحتها …>> أوني أبا أمتن >>>خخخخ
والمأساة العودة إني ما كلت منها إلا مرة وحدة الأسبوع اللي طااف.. بس .. ما ارووم
ما شتهي..
:::
::
:
7
كتبت لكم قصة حياتي .. ههههه
وإن شاء الله يداً بيد >>> بنمتن