مواقف مضحكه يوم الناس تقدمولج

مرحبا يالمتزوجات والبنات الموضوع و ما فيه : ان اكيد كل وحده فينا تقدموا لها ناس وبغوا يخطبونها , وطبعا وقت ما يحظرون اكيد الريال و اهله راح يشوفونها , بس في الحوصه لازم تستوي شويت مواقف محرجه او مضحكه عن غير قصد , فيا ليت كل وحده تكتب لنا عن بعض المواقف اللي صارت معاها او مع اهل المعرس , بغض النظر اذا الزواج تم او لا.
انا ببدأ:
الله يسلمكم مره ياني واحد وانا وقتها كان عمري 16 سنه و كان اول مره واحد يتقدملي فمحد علمني شو المفروض اسوي , طبعا عقب ما تجهزت قالولي الريال وصل ويبغي يشوف البنت و وحده الله يسامحها قالت طالعي الريال عدل و انا من الرهبه بدل ما البس النعال لبست شبشب مال الحمام بس عقب وحده من اهلنا يوم تمت تضحك انتبهت وخلعته بسرعه وانا عند باب المجلس الحمدالله انه ما شافني , وعقب ما دخلت الحريم قالو سلمي رحت لين عنده وسلمت عليه باليد و عقب قعدت , وعقب هو تم يسالني عن اسمي و عمري وباي صف و انا عادي قاعده اجاوب و اطالع وجه و يوم سالني عن النسبه قلت ما بخبرك وهو حليله الريال يضحك وانا ابتسم , خالي وشي حريم من اهلنا اللي يطالع واللي قاعدة تضحك , وعقب ما راحو خالي قال حق امي: عنبو هاي ما تستحي؟ فشلتنا , وحرمة خالي الثانيه تقول فشلت الريال يوم ما بغت تعلمه عن النسبه . انا رديت قلت وانا شو يخصني انتو اللي قلتو طالعيه خخخخخ. عقبه بكم يوم رد الريال انه يبغيني بس ما صار نصيب^^.
و الحين دوركن ابغي التفاعل

عنبو 14 مشاهده ولا رد

اقولج يوم دخلوا الجماعه اول ما يلست اخت الريال تقولي

جلابيتج وايد حلوة قلت لها عيونج الاحلى

وكل سوالفنا عن الجلابية

انزين ابغي اغير الموضوع اشوف كيف طبعهم وجي ما رمت خخخخخخخخخ

مني مناك ما قدرت

اذكر بس اول مره يو يشوفوني ناس وطبعا من اول مره قالو ما نبا وانا اصلا رديت ع الوالده من البدايه وقلت مب مرتاحه ـ

للحين ما صاارت مواقف مضحكهـ …^ _ ^

ملقووفة وياكم ع الخط خخخخخخ

شوقتيني على هالجلابيه اللي سولفتو عنها خخخخ