شخباركن خواتي
بنات محتاجة نصايحكم والله محتارة ومب عارفة شسوي
الحمدلله ربيت من 3 شهور وهذا اول بيبي
وابى اخذ موانع عشان ما احمل لمدة سنتين على الاقل
انا ما ارضع رضاعة طبيعية 100%
اعطي بنتي حليب صناعي بس فترة الصبح لاني اداوم
كلمت الدكتورة وصفتلي حبوب سيرازيت
يديت اخذها عقب الاربيعين على طول بس المشكلة عقب النفاس باسبوع نزلت الدورة
تمت عندي 7 ايام ووقفت 7 ايام والحين رجعت مرة ثانية
يعني تييني اسبوع وتوقف اسبوع
وزني ثابت ما ينقص واحس نفسيتي مب اوكي وطلعتلي حبوب فجسمي
اخاف اودر الحبوب واحمل واخاف استمر عليها ويتم وضعي متلخبط جي
انصحوني شو اسوي
اخاف اجرب اللولب
افكر استخدم الواقي بس مادري اذا هو مضمون مية بالمية
دخيلن خواتي الي عندها فكرة تنصحني
ويزاكن الله كل خير
انصحج بتركيب اللولب لانه ماله اثار سلبيه مثل الحبوب
الحبوب بعد فتره تعرضج بالأصابه بتثخر الدم و التجلطات
لأني انا أعاني من استخدام الحبوب وسببلي تثخر في الدم خلال حملي وآخر مسيلات مثل الأسبرين وابر الكلاكسين
أنا أكره اللولب و أصلا مب مضمون أنا أعرف 2 حملن على اللولب ..
وكل حد وتجربته و يختلف من شخص لشخص .. يعني ما نعمم .. بس أتكلم عن تجربة ^^