شحالكم خوواتي
اول موضوع لي
بس حبيت انصحكن لوجه الله وحده
لاتأمنن فالبياعات اللي يدورن فالبيوت
شي بياعه وربي انها حراميه تدخلج بطريقه غير مباشره فحياتج وتنهبج نهب
وانا بأذنيه كنت اسمعها يوم تكلم زباينها وكيف تلهط عنهن الفلوس بس بطريقه شريفه تبيعلهم اشياء كلها غش
انا اكتشفت شي بعد مرور سنه وزياده يابت لي عشبه حسبي الله ونعم الوكيل فيها
خذتها من عندها وعلى اساس انه من بلادها و بالالوف وهي ع فكره مايبته الا وهي تدري انه مالي علاقه فالسووووق ابدا ولاادري بالدنيا
تدري اني ماظهر من البيت عشان جيه قالت مستحيل تعرف
اقولكن سرت عند اختيه قلت لها شرايج في هالعشبه بالالوف فلانه يابتها لي اختيه فجت عينها وانصدمت قالت السرووووووق هذي بتادين ب 48 درهم فالصيدليه تخيلو كم لهطت الحراميه
وع فكره هذا وهي اونها تعدنيه شرا اختها وتقولي مادور من وراج شي ابد وانتي اخت واكثر من اخت بعد واحبج اكثر عن خواتي
ويوم واجهتها
ع فكره كانت يايه عشان تاخذ المبلغ الثاني تقولي اونه استمر عليه 3شهور واونها كانت تتصل بحرمه فبلادها اللي هي يابت من عندها هالعشبه
ويوم يت بتاخذ باقي مبلغ حق الشهرين يبت لها العلبه واونها كانت مستعيله يبي الفلوس بسرعه لني بروح وراي شغل وايد
اوكيه
قلت لها شرايح في هالعبله اونها انصدمت قالت شو هذه قلت لها انتي ادرى افتحي وبتعرفين
المصيبه فتحتها وتقول بعدها شو هذا ههههه يعني اونها مب عارفه شو هذا الي هي يابته لي نفسه ضبط لونه وشكل وكل شي حتى الانبوبتين يابتنه لي نفس العدد اللي في علبة البتادين هههه
كم كنت مغفله
تعرفون شو قالت حسبي الله ونعم الوكيل الحين انتي تشككين فيني وطلعت انا نصابه هذا اللي تقصدينه انا بتحسب عليج وبدعي الله وبنشوف خلال هالايام منو اللي بيصيبه شي فينا هو اللي يكون ظالم
والله خفت من شرها فكت عيونها وتكلمني بأسلوب حسستني اني انا الغلطانه وهي الصادقه هههههه فوق شينه قوات عينه والله
اللي شرواج يستسمح ويتعذر لا مب عايبنه تمت تدعى علي وانا مصيبتي طيبه يوم راحت رحت عند اختيه اقوللها انا جيه ظالمتنها ههه انا المظلومه وبوضوح الشمس بعد بس ماحب حد يتحسب علي الله فيني يكفيني
الحبيت احذركن منها يابنات لو اني اعرف يمكن تيني مشاكل من وراها
الله الحافظ
هالانسانه تراها ادور فالبيوت احذرن منها وعادي ترابعج وتسوي عمرها انسانه طيبه وتبالج الخير وربي انها حقيره وحراميه بعد
الله يكفيكم شر هالناس
مشكوره ختيه ع تنبيه
ربى يعوضج خير أختى
والفلوس تروح وترجع
الاهم من هذا كله لازم نعرف منو نحن نتعامل ومانأمن فأي حد
مشكوره اختي..
والله يشفيلج الوالده ويخليها لكم ويطول فعمرها ان شاء الله
اقولهن حرام اضيع وقتكن وتهذربن على الفاضي وانا مابشتري منكن اخرشي
تحيس بوزها وتروح
ما امن ادخلهن البيت ….