مســـــــــائكم سكر يا اخواتي الغاليات 
بنــــــــــات بفتح قلبـــــي وبتكلم وياكم
تعرفون الاجر الي يحصله الانسان يوم يروح العزاء عند الله
وغير هذا اهم الميت يحسون ان حد واقف وياهم يرتاحون نفسيا
ابصراحه تصير مواقف ماعرف كيف يكون فيها التصرف
اذا يت وحده وطبعا يكونن اكثر من وحده جحال وشدوا اخضر اصفر
وحد كاشخ على الخفيف يعزن ويقعدن شوي وعقب تشوفينها من بعيد
تضحك وتسولف ليش الناس ماتراعي شعور الميت 
ليش ما يعزونه ويقعدون
شوي ويروحون اذا يحسون انهم مب قادرين مايضحكون بصوت عالي
انا وايد اتحسس على الفول ميك اب مب الرتووووش واذا تحسين
ما تبين اتين بدون ميك اب اتنقبي لان يكون منظر البنت الي تحط ميك اب في العزاء فضيييع ويفطر قلوووب اهل الميت انا في وحده ابصراحه زادت حزني
حاطه فول فول ميك اب حاولت امسكها اكلمها بس الي فيه كان اكبر اني انصحها
ياليت هالظاهره الفول ميك اب في العزاء تنتهي ماعندي مانع تحط رتوش خفيفه
بس ميك اب جانها اريحه عرس !!!! انتظر ردكم ….
حرام الميت له حشيمه
و أهله بعد
يعني ما يقدرن يستغنن عن الميك اب دقايق؟؟؟؟
هذا غير الحش و الكلام الي ماله داعي وقت العزا
موضوعج الغالية بالفعل يستحق المناقشة
نحن حتى الجحال نمسحه من داخل عيونا ..
بصراحه اللي تحط ميكـ و رايحه تعزي ..
أقولها روحتج مامنها فايده ..
لانج بتفطرين قلبـ أهل الميتــ بدل ما تواسينهم ..
الله يرحم امواتنا و امواتكم و يرحمنا أجمعين