خواتي انا دورتي منتظمة كل 28 يوم
اخر دورة كانت بتاريخ 22 سبتمبر
من تقريبا اسبوع سويت فحص حمل منزلي لان الدورة اتأخرت يومين وطلع خطين واحد واضح والثاني مش واضح وايد
واليوم رحت مستشفى عين الخليج في العين والدكتوره سوتلي فحص دم وطلع هرمون الحمل 175
الدكتوره قالت اني في الاسبوع الخامس وان المفروض الهرمون يكون بحدود 1500 وطلبت اسوي فحص بعد يومين عشان تشوف اذا الهرمون زاد او لا
صح نسيت اخبركم ان كيس الحمل ما بين بالسونار
ياليت اللي مرت بتجربتي تخبرني
شكرا خواتي
ياليت اقرا تجارب الحريم اللي مرو بنفس هالتجربه
ولاتحاتين يمكن حمل متأخر انا دايما أكون حمل متأخر ومايبين الكيس بسرعه
الموضوع وايد يهمني
من تجربتي يمكن هالحمل ما يكمل معاج انا مش دكتورة وﻻ شي
بس انا حملت حمل ضعيف واجهضت ﻻنه الهرمون كان ينقص وما يرتفع
من يكون حملج في الاسبوع السادس يقدرون يشوفون كيس البيبي ويسمعون نبضه
سوي سونار من تحت أحسن وأوضح
في ثلاثة احتمالات لحالتج
حمل متأخر: تصبرين اسبوع وتعيدين فحص الدم
حمل ضعيف: ممكن مثبتات وما أنصح فيها اذ حملج طبيعي، في حال خذتي مثبتات في الاسبوع العاشر من الحمل سوي تحليل دم يبين إذا الجنين يعاني عيوب جينية
حمل خارج الرحم: اذا في بداية الحمل ممكن يعطون حبوب توقف نموه وماتحتاجين عملية، الجسم بروحه يتخلص منه،، اذا كان متأخر، تقريباً حمل في الاسبوع السادس عشر او اكثر لازم عملية
ان شاء الله يكون حمل متأخر ويطلع كل شي سليم بس حطيت المعلومات اللي اعرفها عشان باقي الخوات يستفيدن