بنوتـات ، حريـم ، عسـاكم كلكـم بخيـر
اممم ، أنا شـووي مستحيهـ من موضوعـي ><
بس هـو فـ بـآآلي من زمــآآآآن أوي أوي ،..
فـ قلت بلـجأ لكم ، أدريبكـم ما تقصـرون ، و بتعطونـي رايـكم الطيـب =)
اممم ، ما أدري كيـف ابـدأ ، بس أنا انسانـهـ لي تخيـلات معينـهـ من زمــآآن عن {أهـل الريـل} ، حتى اني ما أفكـر فـ الريـل نفسـهـ كثـرررر ما أفكـر بـ أهلهـ ، و الله الشـاهد علي ، خخخخـ ،..
يعنـي ، أنا وحـدهـ طـوووول عمـري كنت أتمنـى انهـ ايكـون عنـدي {اخـت} أكبـر عني ، أسولـف وياهـا و ألعـوزها و أطلـع وياها و جي،..
لنهـ أنا عشـت معظـم سنـوات عمـري برووحي ، كنت البـنت الوحيـدهـ ، الين ما يت اختـي الأصغـر عني بـوآآآآيد وآآآيد ،..
و حتـي يوم كنت صغيـرهـ ، ما كنت وآآآيد كلـووز {شرا الخـوات} ويا حـد من اهلـي ، يعني صح علاقـهـ قويـهـ ، بس بحـدوود وآآآآآآآآيدهـ ،..
و طبعـاً ربعـي فديتهـم مآآ يقصـرون ، أحبهـم و أغليهـم من كلللل قلبـي ، بس تعرفون الواحـد ودهـ بـ حد دوووم ويـاهـ عآآآيش و ايجـووفهـ دوووم و ايكلمـهـ بـ أي وقـت ، و ايعايش ويـاهـ يوميـاتهـ و حياتـهـ
فـ يـوم كبـرت تمـت هـ الأمنيـهـ بـخآآآطري ، و كللللهـ قمـت أتـأمل انهـ {اخـت ريلـي} تكـون هي اختـي العـودهـ ،..
و اني آخـذ واحـد عندهـ اخـت أكبـر عني {لو بشهـر} و ما تكـون معرسـهـ ، عشـان أجابلهـا و تحـقق أمنيتـي
(طبعاً مب تجابلني العمر كله، عشان ما تتحرون اني انانيه، يعني تجابلني شوي عقب الله يرزقها بنصيبها الطيب^ـ^)
و الشـي الثاني فـ الأهـل ، انهـ أنا أمـي {صغيـرهـ} بـ العمـر ، و تشتغـل ، و حتى انهـ اللي يجوفنـا دوووم يقـول هاي اختـي ، و هـ الشي شـووي عقدني ،..
و خـلاني أتمنـى انهـ {أم ريلـي} اتكـون حرمـهـ عـودهـ ، و جي شرا معظـم أمهـات البنـات اللي في جيلـي ، ولا شـرا اللي أجوفهـم فـ المسلسلات ،..
اللي يدعـون حق عيالهـم و يهتمـون بـ الطبـاخ و البيـت و العيـال و بس ، تعرفـون يعني ، شرا أمهـات أول (التيبيكـال) =(
فــ : مشكلـتي هي إني أفكر في هـ الشـي
و وآآآيـد حاطـهـ آمــآآل عليـهـ ،..
COLOR]
بـــس / فـ نفس الوقـت أقـول {الواقـع} مب جي ، و (الحمـاة) تبقى (حمـاة) و (اخت الريل) تبقى (حميـهـ)// يعني ماااشي أهل بعد الأهـل الصدقييـن ،..
بس بــس (يااهي حاالهـ) أقـول فـ خـآآطري ، انزيـن اذا ما حصلـت هـ الاشيـاء وأنا مب معرسـهـ ، و ما رمـت أحصلهـم وأنا معرسـهـ ، متى بحصلهم عيل ، وأنا فـ القبـر !!
فـ اللي أبغيـهـ منكـم حبايبـي نصيحـهـ طيبـهـ ،..
هل هـ الشـي اللي أفكـر فيهـ مبـااالغ فيـهـ و (خيــآآلي) ،..؟؟
ولا عـادي انهـ ربـي يرزقنـي بـ {سوبرمـان} فيهـ كل هـ المزايـا
و بليـــــــــــز بليـز بليــــــــز ،..
أي اخـت عندهـا حمـاه ولا اخـت ريـل عسسسسل // و تعتبرهم شرا امها ولا خواتها ،..
اتخبرنـي و تعطينـي {بارقـة أمــل } ع الاقـل بانهـ حلمي مب مستحيييل
و اللي اتخـاف من الحسـد و العين ، حيـااااج فديتج ع الخـاص و خبريني ، و مااا بخبـر حد ، وعــد
ملاحظهـ أخيرهـ : ترى أنا جـآآدهـ و ما استعبط ولا شي ، و هالشي قلتلكم اني افكر فيهـ من زمـااان ، بس خليت اسلوبي فكاهي عشان اخفف من توتـر هـ القسم ، و أخليني الشطورات يردن عليهـ من خـآآطرهم )
و أنا وحدهـ مب ياهـل (واللهي) ..أدري انه فيه أشياء أهم ، بس أنا حابه اني ارمس في هالاشياء ((بالتحديــد)) لنها ماخذه تفكيري شوي ..
و طبعــــاً أدري انه مواصفات الريال أهم من أهله ، بسسس بغيت اعرف من تجاربكم هل هـ الاحلام عاديـهـ / و في حد شراتي يفكر ^ـ^
و طبعــاً أدري انهـ بـ المعامله الطيبه كل شي ممكن يستوي ، بس شجعوووني شوي ^ـ^
و سلااااامتكـم
وايد تعقدين الامور
مايسوى والله
بس اكيد لو تزوجتي وعاملتي ام ريلج مثل امج اكيييييييييد رح تعاملج مثل بنتها وتكون وياج اووك
ونفس الشي اخت ريلج
يعني هذا مو حلم عاادي جدا وممكن ان يتحقق
وحاولي تشغلين عمرج حتى ماتفكرين وايد بهالاشيا
واخير الله يوفقج ويرزقج على قد نيتج ياارب^^
حلو إن الوحدة تحلم بأحلاااااام حلوة تفائلية…. والله يحقق أحلامج إن شااااااااء الله،،،،
بس الغالية المو حلو إنج تعلقين كل آمالج بالأحلام…. يعني غناتي … احلمي بس عودي قلبج إنه يكون واسع يتقبل الواقع حتى لو ما طابقت أحلامج… عوديه إنه يتقبل ويتأقلم مع الوضع… وحاولي في كل الأحوال تسعدين نفسج سواء بأخت ريل أو عمه كبيرة في السن أو صغيرة.. ( إذا كانت صغيرة في السن اعتبريها أختج الكبيرة اللي تحلمين فيها)
>>>>>> ما عرف إذا وصلت المعلومة ولآ لأ؟؟؟
بس أتمنى إن الله يسعدج وينولج كل ما تتمنين (إن شااااااء الله)….
وانا راي من رايج ..
جدمي الخير بيج خير ..
وتفائلي بالخير تلقينه ..
وبدل ما تفكرين في صفات أهل الريل ..
فكري في الريل نفسه .. هو اللي بتعيشين وياه عمرج ..
وأم الريال واخته حبيهم بيحبونج ..
وإذا شفتي منهم اللي يضايقج .. رديه باللي أحسن منه ..
ومع الايام بتصير المحبه هي اللي تجمعكم ..
والله يرزقج على قد ما تتمنين ..
انزين نفترض لو ياج ريل عوووف وامه وأخته طيبات وبنفس الشروط اللي تبينهن
في هالحالة بتتحملين عوافته وبتقعدين عنده عسب أخته أو أمه؟؟؟؟؟
أختي الغالية إذا يييياج ريال والنعم فيه لا تتشوفين لإحلامج وتوكلي على ربج…..
أحسج يوم بتكبرين بتضحكين على أحلامج
أختي الأحلاام والأمنياات مو عيب …في أشيااء واااايد الإنسان ما يقدر يحققها …
لكن في الحلم يحققها وزيادة ويزينها على كيف كيفه …من غيير محد يحااسبة …
وهذي الأحلام نعمه من الله للإنسان … لكن سبحان الله بعض الأمنيات والأحلام
تتحقق مع مرور الزمن …بالنسبة لي اللهم لك الحمد كل ما أحلم أو أتمنى شي
يتحقق بس بعد فتراات طبعاً مو كل الأمنيات فقط البعض منها … وهذا فضل من ربي لي
ولله الحمد والشكر …
وأزيد ليس كل ما يتمناه المرء يدركه …وخلي إيمانج بالله قوي …وخلج واثقة بأن اللهفي يومٍ ما سيحقق أمنيج …وبإذن الله ستتحقق أحلامج…
ولا تقولين أنا ماب أزوج علشان أهله ماب نفس اللي رسمتيهم في الحلم لا غلط …
لأنج ما تعرفين يمكن تكون عنده أخت أو أم تلعوزج …عيشي الواقع وتوكلي على الله
وإن شااء الله يتحقق حلمج …