هل الزوجه الثانيه مرحب فيها في حياتكم العائليه ؟؟

خواتي حبيت أطرح موضوع وأكيد أنه مش الأول من نوعه بس ماعليه أستحملوني
لاني أول مره أطرح موضوع .

الفكره هي أن هل الزوجه الثانيه مرحب فيها في حياتكم أن كانت حرمة أبوج أو حرمة أخوج أو حرمة ريل أختج أو حرمة واحد من الأهل ..أو سامحوني في هاذي حرمة ريلج ؟
هل نقدر أنخليها جزء من العايله بزينها وشينها ..من دون نحطها في هالحيز الضيق كونها زوجه ثانيه حتى لوهي أنسانه واعيه ومحترمه.. هل نقدر نكسر هالنظره إلي المجتمع وضعها فيها…
ولا تنسن أن كل أنسان له سلبياته وأيجابياته محد معصوم من الغلط .
في مجال تشاركنا بتجارب عن الزوجات الثانيات .. وأتمنى منكن تكونن موضوعيات في طرح الموضوع لاننا ما تقدر نظلم ونقول كل الزوجات الثانيات شريرات أو كلهن زينات خلونا أنكون منصفات في كلامنا ..
وهل في نصايح من الأخوات تفيد في وجود الزوجه الثانيه إذا كانت من النوع الطيب أو من النوع الغير طيب .

خواتي رجاء حار ..أنا ماأريد سب وقذف بين العضوات رجاءاً بهدوء من دون أي مناقشات حاده علشان ناخذ قدر وافي من الأراء في هالموضوع .

بالنسبه للي بيفكرن أني طرحت الموضوع لاني هاذي حالتي فأقولها وأنا أسفه أنها مش حالتي نهائياً
خواتي إلي عندها رد أيجابي وعقلاني فليكن حياها الله … ولي ماعندها رد بتكون شرفتني بمرورها
الردود الواعيه إلي بتفيد طرحي هي إلي برد عليها أما إلي مابتفيده فيأسفني أني بتجاهلها .
تحياتي لكل من قراء أو شارك .

خواتي تعديل بسيط ..ماأريد أتطرق لموضوع الجنسيات الأخرى مع أحترامي للكل خلونا في بنت لبلاد وأريد تجارب ناس عشتوا معاهم أوسمعتوا عنهم

خواتي أرجوكن أنا مومسويه أستفتاء عن منو ترضى ريلها يعرس عليها أو لا؟؟؟؟؟؟؟؟ !!!!!!!

موضوعي عن هالأنسانه إلي دخلت حياتنا وصارلها مده قصيره أو طويله .. هل ممكن نتقبلها في العائله ..وفي حياتنا أمثله وايده أرجو طرحها للمناقشه لان مش معقول مافي نماذج جيده في هالحياة.

انا ضد الزواج الثانى بالنسبه لى لانه لو ريلى اتزوج ابا اطلب الطلاق وراح تنبنى اسره ع هدم اسره ثانيه هذا رايي

والله ما اعرف
بس اعتقد انه يعتمد على ظروف وطريقه الزواج نفسه

بالنسبه لي .. لو سألتيني هذاا السؤااااال ؟؟

هل الزوجه الثانيه مرحب فيها في حياتكم العائليه ؟؟

إجااابتي لااااا … ما حبهااااا في حياااتي ولااا احبهااا أتشااركني في ريلي .. طبيعتي ما بتحملهااااااا ..

صح في منهن خلوقااااااااات و زينااااات بس بعد الشيطااان موجود في الارض .. وانا سااالفة المواااشاااااااه ع كل حبه و دبه مااا احبهااااااااا .. احب في حياااتي الهدووووووووء ..

وأسااااسااا .. مافي حد يرضى بالعديله .. صح بيقولولج الشرع حلل 4 .. بس عندي انا بحسبه ثااانيه …

اللي هيه الله يسلمج .. لو كل الرياااااييل عادلين في الدنيااااااا جااان عادي مااا في اي مشكله ..
بس وضع الرياااييل ما يساااعد إنهم يفتحوون كمن بيت .. الدنيااااا غاليه وبيستوي التقصير ..
يعني الهنتين نفس البيوت + الدريوليه و الخدم + عيال في مدااارس خاااصه + سفر في الصيف + البيوت محتاجه صرف + مواتر ….. الخ ..

منو اللي بيتعب وبيشقى وبيستهم ؟؟ غير الريل .. لازم في مخطط من البدااايه في تنظيم الحياااااه .. لانهااا صااايره لعبه عند بعض الرياااييل .. ينسون عشرة الاولى .. و يستانس بالثااانيه .. ويلتهي في الدنيااااااا .. منو محاااسب عن الاولى و عياااالهاااااااا ؟؟ منو بيصرف عليهااااا ؟؟

والثااانيه كيف خذهااااااا ؟؟ هذااا إذا ما اتعرف عليهااااا برع أو او او ….. الخ ما بقي اذكر تفاااصيل
ثااااااانيه .. ع قولة وااايد ناااااااااس (( سارقااااااات الريااييل )) ما أقصد الكل .. بذاات إذااا كانت بعد من جنسيه ثااااااااااااااااااااااااااانيه والخيبتين .. أعتفست الدنياااااااا ..

والسموحه ع الاطاااااااااااااله غناااااااااتي ..

اختي أنا ما اتكلم عن الزواج الثاني ..موضوعي عن وجود الزوجه الثانيه في حياتنا أياً كانت المهم وجودها كيف بيكون متقبلينها أو رافضينها ..وشوهي خلفياتنا عن هالموضوع من قصص وتجارب أهلنا جيرانا ربعنا من مجتمعنا أختي .

شكراً على مشاركتج أختي ..وجهة نظر صحيحه .

بالنسبالي أعتقد بقدر أتقبلها ف أخوي أو أي حد من أهلي
ماعدا أبوي أو ريلي مستقبلا"(إن شاء الله ) أحسها واايد صعبه..
ماأرضى بهذا الشي والطلاق بيكون حلي الاول.,.

أما الباجي ف ماعندي أي مشكله لأنهم لابينفعوني ولابيضروني..

وتسلمين ع الموضوع الحلو