هيلب مي بنات راس الخيمة

هلا أخواتي بغيت مساعده من بنات رأس الخيمة أسامي محلات للقطع تكون تشكيلتها غريبه وبغيت محلات خياييط يخيطون مخاوير روعه واهم شي الفصوص مايطيحن ويلمعن

القطع عند الغزال والتوفيق والعويس
المخاوير عند شارع المخاوير وغرناطة ايسوي طبع حلو مع شغل وفصوص ويطلع دقيق وحلو

في محلات في معريض ^^

مشكورات اخواتي بس اختي البروج وين المحلات في السوق الكويتي ولا الواحه

اللي ذكرتها اختي بروج في السوق الكويتي

بالنسبة للقطع عندج في سوق اللكويتي: العويس والغزال والتوفيق وفي بعد في مركز الواحة بعد في محلات قطع نفس القطع اللي عند الغزال وغيره وارخص …….

المخاوير: القلاده وباختر في شارع المخاوير والعبي بس هذولي اللي اعرفهن ومخاويرهم شرات مخاوير هل العين واللفصوص اصليااات