ولدتي قيصري أكثر من أربع مرات إنتي المطلوبه تفضلي

السلام عليكم ورحمة الله و بركاته
شخباركم خواتي أنا والدة قيصريتين و ما أبغى قيصرية ثالثة و مومقتنعه أبدا بتحديد عدد الأطفال
فحبيت أسأل إذا وحدة والده أكثر من أربع قيصريات و ماقالو لها خلاص ربط و مع أي دكتورة تسوي عملياتها وبأي مستشفى علشان ربيعتي سوت ثلاث قيصريات بمستشفى الوصل و قالولها خلاص مافي حمل و زوجها المسكينه موافق على الربط بس قالها أنو يبغى عيال و عنده حق مع إن عمرها 23 سنه تخيلو مسكينه تكسر الخاطر و أخاف أنحط بموقف نفس موقفها

لا فديتج قولي لربيعتج لا تسوي ربط حرااام بعدها عندها مجال اذا تبا خليها تجي وتربي في بوظبي ولا تسير الوصل دومهم الدكاترة اللي توهم متخرجين خوافين بدون داعي …….
انا عمتي جابت تسع بالقيصرية والعاشر في الدرب الحين يعطون مجال للي والدة قيصري تجيب سبع وثمان هذاك اول يقولون ثلاث او خمس عيال بس اهم شي الواحد يتوكل علي الله .

يمكن حسب الحالة..أنا ربيعتي ولدت الثالثة قيصري..و في الوصل قالوا لها لازم ربط…لأن عمليتها القبلية غلط بغلط…فأثرت عالكلى ما أدري شو و بغت تموت في هالولادة….فقالوالها لازم ربط…مع إن عندها 3 بنات و تبغي ولد

و أنا الحين ثاني قيصرية بسويها بعد إسبوع و دكتورتي تقول عادي لو تبين 10 بعد في مجال….ما يخصه

اممممممممممممممممممم الصراحه خوفتوني …
يعني اللي تربي اول مرة بقيصرية عقب لازم تكون كل ولاداتها قيصرية؟!
انا ربيت بقيصرية والحين كملت سنة وابغي احمل بس خايفة وايد من القيصرية ومن التعب
اللي عشته في الشهر التاسع .. وهذا مخلني مترددة … وانا ابغي اربي طبيعي …
شو قولكن خواتي فيدني …

اختكم

انا مربية ماشاء الله 4 قيصري و في الرابع قالت لي الدكتورة تبين ربط قلت الها NOOOOOOOOOOOOOOOOO مستحيل اربط و فعلا بعد ما ربيت يتلي الدكتورة اللي سوتي العملية و قالت عند اشوي التصاقات من العمليات فلازم انتظر 4او 5 سنوات حتى اييب الخامس بس اللحين موقفة باذن الله لان الاربعة بنظري و نظر ريلي الحمدلله يكفون وبس هاي قصتي و الله يسهل عليج و تكون ولادتج ميسرة ان شاء الله