ولدي حبيبي

السلام عليكم حبيباتي

فديتكن ولدي حبيبي مايطيع يرضع من صدري ،، يرضع شوي يمكن 6 دقايق او 10 عقب يغفى. او ينام ومرات يصيح ومايكمل واضطر اني اشفط له ! ابا اعوده ع الصدر مرات احسه يرضع 10 دقايق ويشبع بروحه يهده وينام ومرات مايمسك ويقعد يصيح احترت وياه ماريد اعطيه صناعي علموني شو اسوي. مليت وتعبت وياه ليش مايرضه ماعرف وهالشي معور قلبي مع اني دوم احصن عمري واقرا عليه

شوي شوي بيتعود .. يحتاج وقت ليتعلم و يثبت الموضوع عنده .. بنتي عمرها اكثر عن شهر و بعدها ترضع 6 او 7 دقايق وتنااام
و بس احطها على السرير تصحى و نضل في نفس الموال نرضع و تنام و تصحى تصيح !!!
شوي شوي ان شاء الله الوضع يتغير

انا اخاف عقب يهد الصدر ومايرضع واتوهق الحين وراي دوام شو بسوي كم بشفط له بنشف هههه وماريد اعطيع صناعي مليت من التفكير

ماعندي خبره ان شالله ..الله يكتب ألي فيه الخير

موفقة ان شاء الله

الله يعين والله ماعرف شو اقولج بس انا نفسج يوم بنتي الاولى واللحين قريب بربي الله يسهل علينا

ترى بنتج مافيها شي اللي يصير انه الياهل لمن يرضع يتعبببب عشان جذي يوقف ويغفي لكن مايكون شبعان وانتو تتحرونه شبع ورقد عشان جذي اول ماتحطونه بالفراش يقوم يصارخ لانه بعده يوعان …
لمن ترضعين ولدج وتشوفينه غفا لعبي بشفايفه خشمه حركيه بيفتح عينه بيرجع يرضع وتمي سوي جي ان شالله نص ساعه اليهال لازم يرضع ربع ساعه من كل صدر يعني مده رضاعته عشان يشبع نص ساعه انتي لازم كل شوي تلعبين بشعره خشمه يبهته بس عشان ينتبه ويرجع يكمل رضاعه بعدين بيشبع ويرقد

لكن نحن مرات نكون تعبانات مانصدق الياهل يغمض عيونه علطول حطيناه بالفراش بس هو ترا يقوم عشان يوع مب عشان ما يبى صدرج ولازم تحرصين يكمل النص ساعه بالرضاعه ربع ساعه من كل صدر طبعا بعد تجيكين على حفاظته مرات يكون منزعج منها
الله يحفظلج اياه