ولدي والغيرة

انا ربيت الحمدالله وعندي ولد عمرة سنتين و 8 شهور تقريبا
من يوم ربيت وهو مب طبيعي … عنييييييد ويضرب ويسب
وايد حاول يضرب أخته الصغيرة وضربها كم مرة.. مع أنه أبوه يعوضه حناني
لأني جدا مشغولة و يا الصغيرة … وايد اضربه من كثر مايعاند … ويلعوز امي والشغالة ويلعوزني… عقب يوم يرقد ايلس ابوسه واصييييييييح
وضعف وايد… ومتعلق في الشغالة بعد …
ما عرف شو اسوي ….

أختي الجو جميل هالأيام
فرصة أنه يطّلع كتير عالحدايق
اولا يبتعد شوي من أخته وبينسا وجودها شوي
وثانيا بفرغ طاقته

حاولو تشغلوه اكثر الوقت
الصبح بعد الفطور
اذا في حوش وفيه رمل
خلي يلعب وقت بالرمل والمي لبين مايشبع
بعدين عبوله مسبح نفخ وخليه يسبح
او عبيله البانيو وخلي يسبح مع الألعاب
بكون تسلى شي ساعتين ثلاث
العصر بتكون الشغالة خلصت شغل خلي يروح معها ساعتين للحديقة بغير شكل

وهذه الفترة وهذا الشعور طبيعي
لازم كل طفل يمر فيها
هي سنة الكون
وهالفترة مفيدة للطفل

ماتاكلي هم وما تزعلي عليه

بس أهم شي تحاولي تهدي حالك هو تلقائيا بيهدأ
ضرب أخته ممنوع عمره مناسب وبيفهم

وما تضربيه أنت

حددي الأشياء اللي عبعاند فيها
وشوفي عن اش ممكن تتغاضى بهالفترة بس خاصة اول أربعين يوم لبين ما تشدي شوي

يعني خلي قائمة الأشياء المسموحة كبيرة
ما تعاندوه عليها

وضرب الصغيرة والاشياء المهمة بس امنعوه منها

الحمدلله على سلامتج الغالية . . حاولي تعطينه حنان وتحسسينه انه الكل بالكل خاصة ان الصغيرة بعدها ما تعرف شي ومابتحس بشي ؛ وأهم شي تنظمين وقت نومج عسب يتحسن مزاجج وتتبرضين لولدج شوي تأكلينه شوي تدلعينه شوي تلاعبينه وخلي الصغيرة قدام عينج مع ابوها او اي احد تثقين فيه .. الخلاصة : اقضي وقت أكثر وياه وحببيه فأخته . .

موفقة

فتره وتعدي ان شاء الله

مشكورين حبايبي….
كلامكم جميل …
انا كنت وايد قريبه منه اسولف وياه وألعب و اطلعه
الحين كله عند الشغالة… ونوه نش من الرقاد وسيدة راح عند الشغالة
انا اللي بديت اغار