عندي اشيا ودي اسألكم من وين اتحصلونها وسؤال فرعي:
ملاحظة: المكان: مدينة العين ( خخخخخخخخخخخ صار امتحان)
السؤال الفرعي: ايش احسن نوع عيش ( رز) تستخدمونه ومن وين؟
الاسئلة الباجية:
– من وين اتحصلون اداة الحلاقة اللي مثل القلم؟ مرة كانوا يبيعونها مع مكينة براون بس خلصت ومالتي خربت واريد وحدة ثانية ..
– من وين اتحصلون المنبه اللي يشتغل عالراديو؟ بدل مايطلع هالصوت المنبهي يفتح على قناه راديو؟ ودي فيه واشغله على اذاعة القرآن يوم انش .. ( نومي ثقييييل وماحب اصحى!) .. هاذا دوم اشوفه فالافلام..
– مرة شفت سبراي لافندر ريحته حلوة ربيعتي جايبتنه من برع .. وين احصل بودي سبراي لافاندر؟ بودي شوب ماعندهم ولايف ستايل لافاندرهم مرة قوي وموب ريحته مثل االافاندر! اللافاندر وايد سوفت ومريح للاعصاب موب مثل اللي عندهم تقولون كولونيا مال حلاقة!
– من وين تجيبون العلاقات مالت الشيلة اللي مثل الهوم سنتر؟ جبت وحدة وياليتني جبت عشرة! كل ماسير هوم سنتر مايكونوا موجودين .. مثل اللي فالصورة بس ستييل
– شو احسن شامبوا تستخدمونه ؟ شعري خفيف يتساقط .. اشتري شامبوا كيراتين؟ دوم استخدم بانتين.
– شو احسن نوع عدسات طبية شفافة تستخدمون؟ انا كنت استخدم EDGEIII بعدين سرت للملونة Adore بعدين رديت للشفافة نوع جديد بس وايد غالي 280 ثلاث اشهر Air Opticx
مشكووووررررررررريييييييييييييييييييييييييييييييييي ييييييييييييين
بس للاسف خلصن عني الحين
احتمال على اول الشهر اوفر كمية يديدة
بخصوص العيش ماعندي خبره
والمكينه تقدرين تتصلين على صيدلية العين او الديوان وتسالين اذا متوفره عندهم او لا
وبخصوص المنبه شوفي محلات الجميرا عندهم الكترونيات وشغلات وايد حلوه
وعن الافندر مادري بصراحه بس جربي نكتار في العين مول يمكن عنده
وعن العلاقات روحي دايسو بتحصلين عندهم
وبخصوص الشامبو انا ما حب بانتين ماطيق ريحته
احب نيفيا للمعان المخملي روعه
والعدسات انا استخدم جونسن اليوميه ب100 اعتقد
وبتوفيق اي سوال حاضره