ياعالم ساعدوني بنتي عايشه على المصاصة وبس

السلام عليكم ورحمة الله وبركاته
انا في مشكله كبيرة بنتي خايفة عليها وايد عمرها خمس شهور ووزنها قليل الدكتورة قالتلي لازم ازيد من وزنها وابتدي اكلها بس موعارفة شو اعطيها قالولي الخضرة المفيوحة بس موعارفة كيف اسوي لها والحليب موراضية تشربه وتصيح لين اعطيها كنت اعطيها حليب S26 بس ألحين اعطيها سميلاك حق الاوزان القليله(الدكتور واصفة لي) بس ساعدوني شكلها 3 شهور ساعدوني بلييييييييييييييز

هي كم وزنها الحينة ؟؟؟؟ و كم كان وزنها وقت الولادة ؟؟؟؟

وزنها وكت الولادة 2.99 بس ألحين 5 كيلو بس

انا اولدي عمره خمس شهور بعد… وغلطت معاه وبديت بالفواكه..والحين مب طايع ..ياكل الخضرة..
المهم..
الممرظة قالتلي لازم تبدين بالخضره اول عشان عقب الياهل يتقبل اي طعم..
قطعي قطعة جزر صغيرة ..مع كوسة وبطاطا..وفوريهم في ماي.. بس لاتخلين الماي ينشف..لان الفايدة كلها اتسيير فيه..بعد ما تنظى الخضرة ..اهرسيها (مع مايها) وعطيها لولدج.بس لاتحطين الملح ..لان كلية الياهل ما اتكون مكتملة ..وممكن يظرها …..واذا حسيتيه ما اتقبل الطعم ..ممكن اتحطين من حليبه شوي..

انشالله ما كون صدعتج عالفاظي ..واستفدت لو شوي

وزنها عادي ..انا ولدي يمكن توه قريب ال6 كيلو

انا اشوف بالنسبة لوزنها وقت الولادة و وزنها الحالي و عمرها 5 شهور … اشوفه قليل جدا جدا … و هذا وزن اطفال قوم شهرين او ثلاث للي وزنهم وقت الولادة نفس وزن بنتج ….
حاولي تبتدين وياها بالاكل شوي شوي يعني بالتدريج عطيها جرعات بسيطة و زيدي يوميا …
اذا معودتنها على المصاصة حاولي تنسينها يمكن يكون سبب بعد ..
كوني صبورة وايد وياها و انتي تأكلينها حاولي وياها وايد ولا تملين بسرعة …
هي مسألة تعود على الأكل و على الطعم و ان شاء الله بتاكل ….
الله يعينج اختي و يعينا جميعا و ترا بنتي شرات بنتج بس انا وااااااااايد صبورة وياها … و احاول قد ماقدر أأكلها …بس بعدها ما تتقبل و اتم تصيح ما تبا …. و ان شاء الله بتاكل ….
ترا هي وزنها وقت الولادة 1850 بس ……. و الحينه مادري كم بالظبط …؟ و هي بتكمل 4 شهور ؟!!
و ان شاء الله بتزيد اوزانهم باذن الله … أهم شي صحتهم ……

و بالتوفيق ان شاء الله ^_^

جزاكم ألف خير يا خواتي
والله ماتعرفون شو حالتي معها وانا وايد صبورة معاها بس من اكلها تاكل وترجعه كله
مشكورين على المرور