.gif "12 (46)")
ممكن اعرف ليش نظره الناس للمطلقة غير
بصراحه يا بنااااات ويا حرييييم انا مطلقة والمجتمع ينظر هالنظره
الغريبة انه مالازم تروح ولا تي انا عارفه لازم الوحده تحاسب ع خوطتها
بس بعد المفروض يراعونها الحرمه غير الريال المطلق ….. حبيت اشوف
رايكم انتو تنظرون بنفس النظرة؟؟؟
الله يبعد عنكم الطلاق .. ويوفقكم….
وعن نفسي اشوفهم عادي حالهن من حال غيرهن
ولا تفكرين بهالتفكير..
اللي ماشي ع الصراط المستقيم مايخاف..
وانتبهي من الشبهات..
وطبعاً كون الوحدة مطلقة يعني في نظر الكثيرين أنها سهلة..
وأنها تدور ع صيدة..
بس مش كل الناس واحد..
أنا صديقتي مطلقة بس محترمة ..
وأنا أحترمها…
لأنها حاشمة عمرها..
في إتصالاتها وزياراتها ماتحاول أبداً تتخالط مع ريلي…
عشان بس ما أفكر أنها حاطة عينها عليه…
وصدقيني الوحدة بأخلاقها تغير نظرة الناس لها…
المطلقه حالها حال اي وحده.. الفرق اني ماحصلت الانسان اللي يقدرها وبس..
نسوا انه حريم الرسول واللي هن امهات المؤمنين ارامل ومطلقات وهن امهات المؤمنين وزوجات الرسول.. شو احسن من هالشرف..
اللي ينظر هالنظره الغلط فيه وفي تفكيره مب في المطلقه ..
ع العموم النظرة هالايام شوي خفت لانه الدنيا تغيرت…
الله ياجرج في مصيبتج والله يعوضج خير ان شاء الله
أنا عن نفسي مطلقة بس ما أحس بأي فرق والله
أحس اني شرات يوم كنت بنيه عايشه حياتي ولا مره لاحظت نظرة حد تجاهي أو ولا مره حد حسسني اني مطلقة.
يا عزيزتي شيلي هالشي من راسج وعيشي حياتج مرتاحه،، وكلام الناس لا يقدم ولا يأخر.
يمكن هيه ماتوفقت في الزواج او حظها كان مش زين بس هذا مايعني انه المطلقة اقل من غيرها
: