منو الشاطره اللي بتعلمني كييييييف اسوي الكشري المصري الرهيييييب واللي بخلي ريلي ياكل صوابيعه وراه
ياااااااااارييييييت تعلموني ويزاكن الله الف خير……………وان شاء الله تضبط ويايه …
وع فكره انا مب ذاك الزود طبيخه ياريت اي وحده من الخوات تقترح علي شو اطبخ لان ريلي دوم يقولي خاطري اكل من ايدج
اسويله وتضبط لكن مااعرف اسوي طبخات يديده
علموني ع الكشري واللي عندها كذا طبخه ثانيه حلوة ياريت تخبرنا
^ــــــــــ^
وصدقوني بدعيلكم…ولاتنسوني من دعواتكم الحلوة
انا بعطيج طريقتي سهله ولذيذه
اول شي المكونات :
عيش مصري – عدس اخضر – معكرونة – نخي ( حمص ) – بصل – ثوم – طماطم
اول شي
اغلي المعكرونه بروحها انا احبها بيضه وصفيها وحطيها ع جنب
ثاني شي غسلي العدس واغليه نص غليه وعقب ضيفي عليه العيش وخليه لين يستوي
والحمص العلب سخنيه وعقب صفيه من مايه
عقب حطي طبقات معكرونه – عيش وعدس – حمص
اني للصلصه
قطي كميه من الطماطم ع راحتج اللي يناسبج يعني مع بصل وثوم
وحطي في الخلاط لين ما يستوي عصير واذا تبينه حار وهو الاحلي يوم بتحطينه في الخلاط حطي معاه فلفل حار
عقب في طابي حطيه الخلطه لين ما تستوي
واخر خطوة قطعي كميه كبييييره من البصل
وحمريها في الزيت وزيني بها الكشري
وبالعافيه
وان شاء الله اكون قدرت اساعدج ..
تبين طريقتي
romanah يالله ياحلوة خلينا نجوف طريقتج
^^
ونتريا تريطتج يا رمانه…………
بالتوفيق ان شاء الله اختي سوفت كوين
عيش أمريكي أنكل بنز_معكرونة من الصغار نص كيس – بصل مقلي – عدس أخضر كوب كبير – أربع معجون طمام-ملح- فلفل أحمر حار- ثوم -ربع كيس بلاليط-طماط
نطبخ العدس بعد ما ودناه حوالي نص ساعة أو أكثر ونشخله ونغطيه
نطبخ المكرونة ونغطيها لا تنشف
نقلي البلاليط لين تتحمر
نقلي شرائح البصل لين تتحمر وتتقرمش
نطبخ العيش أنا ما أشخله أحط ماي ويوم يغلي أحط العيش وأخلي الماي يغطي العيش
أتركه يغلي لمدة ثلاث دقايق وبعدين أقصر عليه
أضيف له البصل المقلي يعطيه لون وطعم حلو
أضيف له الملح وشوية زيت
أضيف البلاليط والعدس وأخيرا المكرونة وأخليه عنار هاديه جدا تقريبا لمدة عشر دقايق إلى ربع
جربيه أتمنى يعجبج.ساعة.
لعمل الصوص: 2بصل مقلي مع فصين ثوم 2وطماط والفلفل حسب الرغبة ومكعب ماجي ومعجون الطماط تضربينهم فالخلاط ووقت التقديم سخنيهم.