شحالكن الغاليات
هالتقرير صار له فتره عندي وكل مره اقول ان شاء الله اليوم بحطـــه
رحلتنا كانت فـ تاريخ 2732017
الجوو كان روووعه برآآآآآد والبحر كان روووعه
الحجز كان عن طريق البوكينق لمدة ليلتين لـ 10 اشخاص بالغين و 5 اطفال
خذنا شقه اظن كانت لـ 8 اشخاص بس الحمدلله الشقه كبيره وكفتنا كلنا بدون زحمة والله
السعر كان لليلتين مع الضريبة والتأمين 5000 وعقب ما طلعنا رجعو علينا 1000
بس حبيباتي اسعار هالشقق تختلف من وقت لـ ثاني على حسب الجوو
فالحر يرخص السعر واايد بس الجو مول مب شي فالحر لاني سرت مره فالحر وكانت وايد رطووبة وما استانست
هالصورة اتبين البرجين .. البرج الاول شقق ملكـ والبرج الثاني شقق فندقيه اللي احنا سكننا فيها
للعلم حنآآ سكننا الشقق اللي فآخر الابراج
المصــعد ’’’ ذاهبووون الى شقتنا العزيزه 
هذي صورة الصاله بس ترا مب كلها ,,, الصاله وايد كبيره ما شاء الله
جزء من الصالة في طاولة وكراسي للاكل
هذا المنظر من الصالة
المطبــخ مالهم وايد حلو وفيه كل الادوات للطبخ وآآيد عيبني
هذا المنظر من المطبــخ
ْْْ يتــــــبـــع ْْْْ
بحط لكن صور الغرف
واستمتعن بهن لانهن واسعات وحلوات من غير الاطلالة على البحر اللي تفتح النفس يوم تقومين الصبح
فهالغرفه دمجنا السريرين لانهن منفصلات
صور متنوعة من المناظر فالرحلة الممتعة
هالصورة خليتها دي بي فالبيبي شهر من زود ما هي عايبتني
الاجانب اللي يهديهم فالشتا طول الوقت عالبحر ما ينشوو عنه لين اذان المغرب
بس حنظىى كنا نقوم الصبح نسير البحر لان الاججانب من عقب الساعه 3 يتجمعوو عالبحروما يخلوو لنا مكاان ابداا
البنانا بوووت احلى شي والله بيفوتكن اذا ما جربتنه
والله انا وخواتي سرنا بعباياتنا وركبناااه وااايد حلوو وممتع هو صح ايروع شوي بس بصراااحه طررر ركبنا 5 اشخاص بـ 350
بس اذا سرت مره ثانيه لازم اجربه ما تحلى الرحله بدووونه
ْْْ يتــــبع ْْْْ
تــم بحمد الله اتمنى هالتقرير يعجبكن خواتي
وانتظروني فالتقارير القادمى ان شاء الله
انتظرووني في تقاريري القادمة ان شاء الله
فعلا الشقة مرتبة ونظيفة
ترتاحين فيها
ناقص تحطين صور الاكل
خبرج همنا بطوننا
ها ها ها ها
مشكورة ع التقرير الحلو
ربي يسعدج
مشكورة على التقرير حبوبة
جو غير … ومناظر غير …
حلو حطيتي هالتقرير لأنه وايد بنات من دول مجلس التعاون يسمعون عنه وودهم يشوفون تقارير
ثانكيو دارلينغ