ღ.•°°•.ღ The cove Rotana – Ras Al Khaima – ღ.•°°•.ღ

*** السلام عليكم ***

هلا بالغاليات عساكم بخير أجمعين ان شاء الله

بحطلكم تقريري البسيط عن الكوف روتانا الي رحت له أنا وريلي بتاريخ 08/05/2017 ليلة وحدة لين 09/05/2017

وكل الشكر والتقدير للأخت العضوة بثينة الي معانا بالمنتدى… واللي لولاها ما كنت أقدر أحجز …وضعت ثقتها في عسى الله يرزقها من حلاله ويسخر لها كل غالي عليها ويوفقها دنيا وآخرة

أول شي بخبركم ان عند بوابة الفندق بالضضضضبط اختربت الكيمرا مالتي وحاولت بكل الطرق أشغلها ما استوي …واضظريت أصور بهذاج الفون المتواااضع وانقهرت صراحة بس حاولت أركز على الرومنتك مومن مع ريلي وسويت طاف للكيمرا

وهذي أول صورة للمدخل

وهني البواب قاعد يأشرلنا الطريق للرسبشن

السموحة منكم ما صورت الريسبشن لإن ستولنا موقف هناج وعصبت مرة تانية ونسيت

*****

يتبع خواتي محد يرد

وبخليكم الحين مع صور للفندق مع العلم ان نحن وصلنا على المغرب وهذا الي قدرت أصوره قبل ما ظلم الدنيا [/SIZE][/COLOR][/I][/B]

وهذي صور الفلل فيها مسبح بس مكشووووف يعني حق الأجانب بس

والحين نيي لشي الي انصدمت فيه أكتر وهو الغرفة الي أنا ماخذاها على أساس الطلة الرومنسية على البحر طلعت اطل على حيطة والله اني انقهرت قهر

وهذي كل الصور الي عندي وبالنسبة لانطباعي الغاليات …أنا صراحة استانست هناك بس لإني مع ريلي وأظني لو تميت ببوظبي كان أحسن لي لإن الغرفة وايد ضيقة وبعد ماعجبني السرفس… واتلعوووزنا لين قدرنا نحصل طاولة بالمطعم حتى نتعشا وبعدين الجو وااايد حر خاصة للمنقبات بتذوبون شراتي يعني أنا صراحة ما انصح حد يروح له الحين وحتى أنا قبل ما أروح نصحوني الأخوات ما أروح بس سويت الي فراسي وندمت والحمدلله على كل حال… ووايد أشياء بخاطري

بس الحمد لله اني أنا وريلي حاولني نقضي وقت أوكي وما ركزنا على كل هذي السلبيات

عسى الله يسخرنا حق بعض ويرزقنا الذرية الصالحة المعافاة

وبس اخواتي ان شاء الله التقرير يعجبكم ودعواتكم

يعني ما تنصحيني احجز الحين؟؟
كنت ابا احجز لهالويكند..!!
وكيف حجزتي.. اونلاين؟؟

صراحة اختي ما أنصحج إلا إذا عادي عندج الحررررر لإنه بالبر تقريبا وإذا تبغين تروحين لازم تحجزين بالمطعم قبل بيوم … وأكدي عليهم ان الغرفة تكون مطلة على البحر وإلا صراحة مابتستانسين … و الله يوفقج اختي

وهي أنا حجزت من موقع بوكينغ وإذا تبغين اي مساعدة أنا حاضرة

والسلام عليكم

هلا اختي لاتقولين انه الجو والمكان مش حلو ,,لاني حاجزه هذا الاسبوع بسير انا وريلي خواتي ,, وبتحسف اذا المكان مش حلو حراااام احس خواتي بيزعلن لاني انا سايره هذي السيره عشان خاطرهن بس

انا كنت ابي احجز لهاويكند الفيله بس اتصلت وسالت اذا هي برايفت ومحد يقدر يجوفنا قالت لي الموظفه لا يرووموون يجوفونا ف كنسلت الروحه
وناااايس رحلتج وربي يهنيييج وي ريلج ويسخره لج

انا سألت عن المسبح الموجود في الغرف مخصصين غرفة عليها مثل الظلال بحيث انه محد يقدر يشوفكم في المسبح من فوق