•.·° موضوع خاص بتجهيزات ومشتريات حوامل منتدى سيدات الإمارات بالصورفقط °·.•

وبيكون كالتالي:

1- نرجو من الغاليات اللي اشترن أغراض لهن أو للبيبي – وضع صور المشتريات والتجهيزات اللي اشترنهن

2- نرجو إرفاق تفاصيل الموقع تحت الصور..كما يلي:
اسم المحل
+
اسم المركز التجاري أو الشارع اللي فيه المحل
+
اسم الإمارة

3- ياليت نكتفي بالصور وتفاصيل الموقع ونخلي السوالف في تجمعات الحوامل عشان مانبتعد عن هدف الموضوع

4- اللي تحب تستفسر تراسل صاحبة الصورة بالرسايل الخاصة (لأن البنات مابيكونن متابعات للموضوع كله وأي استفسار على العام ماأظن تكون له إجابه عشان جي نفضل يكون التواصل بين اللي عندهن استفسار وبين العضوات المشاركات بالرسايل الخاصة)

أتمنى كل الكروشات يستفيدن من هالهدية اللي بتوفر على الحوامل الوقت والجهد
ونسأل رب العالمين إنه يكتبها في ميزان حسنات الغاليات اللي اقترحنها

أحب أبدأ بهالجدول وإن شاءالله يكون فيه الفايده والتذكير بأهم التجهيزات الخاصة بالأم والطفل

نتريا يديدكن .. بالصور والتفاصيل يابنوتات

نحبكن في الله

دلال وبنوتات تجمع الحوامل
اللي بيربن في شهر 10 و11 و12 بإذن الله