~*¤ô§ô¤*~رحلتي للكويت صور وبالتفصيييييل~*¤ô§ô¤*~

ツ

حيالله بكل اللي دخل موضوعي ..

نصيحه مني .. خلي الصفحه شغاله وافتحي صفحه ثانيه تصفحي في المنتدى وردي عقب اهنيه علشان تكون الصور كلها طلعت وما اكون ضيعت وقتج ههههههه

وأي صوره عليها اكس هوسي عليها كليك يمين واظهار الصوره ..

نبدأ..

رحلتنا كانت للكويت .. بالسياره .. كننا 4 اشخاص ..

وانا واخويه ومرته وولدهم الصغنوني ..

سرنا 4 ايام تقريبا نتسوّق ونرد ..

اسمحولي الصور مب واضحه وايد لأن أغلب الصور مصورتنهم وانا في السياره ورى الجامه ههههههه

هاي شنطتي عقب ما سكرتها خلاص هههههه

طلعنا الساعه 5 الفير .. والدنيا ظلاااااااااام .. كشششششخه .. والشوارع فاضيه ..

اهنيه يوم نورت الدنيا وانا مسسسطله ابى ارقد ..

يلست اسلي عمري بمعمول من سوريا بس فن فن فن ههههههههههه

اهنيه وصلنا حدود الامارات ..

وأخيرا وصلنا حدود السعوديه .. كششششخه

ونمششششي ونمششششي ونمششششي ونمششششي هههههه

وطبعا عبينا بترول من عندهم وكان فرق بسسسيط في السعر <<< اتطنز طبعا

وتابعنا السير .. وزخنا رادارهم هههههههه .. عقب ما يزخنا الرادار نمشي كيلو تقريبا ونشوف سيارة الشرطه واقفين ..

يوقفون كل اللي زخهم الرادار يعطونهم ورقة هههههه

على قولة اخويه حشا مب ورقة رادار هاي فاتورة مطعم ههههههه

هاي هيه الفاتوره ههههههههه

وأخيرا وصلنا حدود الكويت الساعه 3 الظهر تقريبا ..

يتبع ..

وصلنا الجمعيه الساعه 5 العصر ..

مجابل الجمعية مطعم ليتل سيزرز

اكلهم طرررررررررر طررررررررر طررررررررررر الصراحه ..

احلى عن ماكدونالز حتى << ما اعرف يمكن لأني كنت يوعانه وايد!! كل شي جايز ههههههه .. محد ياخذ على كلامي عيل ههههه ..

يم يم يم ..

طلعنا من المطعم وكانت تقريبا الساعه 6 .. هاي السياره اللي كننا سايرين فيها FJ

وطبعا سرنا ندور لنا شقه .. وحجزنا في منطقة الفروانيه .. وكانت الشقه مب شي الصراحه ههههههه بس يلا مال قوم بو 4 ايام مب مشكله ..

يتبع ..

عاد ثاني يوم بدينا نفرفر في الاسواق .. وما نندل مكان ههههههه بس ماشين على خريطة التليفون ..

وصلنا سوق جلابيات .. كله تفصيل ..

زين يوم طحنا عليهم اول يوم .. علشان يلحقون يفصلون لنا قبل لا نرد .. اسميييينا ما خلينا شي

يلا شوفو سوقهم ..

هذا ايد اخويه الا يباني اصوره ههههههه

حاطين قائمة الاسعار علشان محد يكاسرهم ههههههههه

يتبع ..

تعبنا من الدواره سرنا نتغدى في مطعم مغل محل ..

شوفو شو كاتبين هههههههههه

هاي بيزاتهم ..

عقب الغدا سرنا الحمرا مول ..

احلى شي في المول بيجاماتهم هههههههه

لفت انتباهي بعض المحلات حاطين عالباب هالاستكرز ^_^

وخلصنا الساعه 8 تقريبا

وانتهى هاليوم ونحن هلكانين .. طبعا تعشينا ورقدنااااااا

يتبع ..

ثالث يوم الصبح سرنا اممممممم نسيت شو اسم السوق هههههه

شوفو الصور ..

ما عيبني شي في هالسوق الا ديكور هالمحل هههههههههه << متفيجه صح؟

وعقب سرنا ستي سنتر ..

أول شي دخلنا من باب الجمعيه شي جي .. ونحن سامعين ان ستي سنتر عندهم وااااايد سوالف حلوه ..

دخلنا واستغربنا وين السوق؟ ما شفنا شي وطلعنا ههههههههه ..

قلنا اكيد شي ستي سنتر غيره اللي فيه ثياب ودنيا .. يوم سألناهم قالولنا هو نفسه بس من الباب الثاني ..

سرنااااا الباب الثاني عاد صدق صدق صدق محلاّتهم رووووووعه .. الا فضيييييعه .. ما صورت شي من كثر الاجياس اللي في ايدي .. موووووووووووووووووووول ما خليت شي ..

يعني صدق صدق صدق اللي يسير الكويت لازم يمر على ستي سنتر ..

بس صورت هذيلا ههههههههه استغربت ان حتى هاللي ينحط تحت الشيله حاطين عليه فصوص ودنيا ههههههه

اهنيه حاطين ملاّت .. وكل ملّه فيها نوع من الفواكه .. مانجا وبرتقال وفراوله وكيوي .. المهم نحن نختار اللي نباه وهم يحطونلج على ذوقج يعني يم يم يم كان لذييييييذ